عجوز يدعي على ولده العاق...

بسم الله الرحمن الرحيم






تحية طيبة لكم جميعاً يامن شرفتموني بمروركم الكريم على قصيدتي المتواضعة






قصيدتي تتحدث عن رجل كبير بالسن ضحى بكل شيء من أجل ابنه

حتى كبُر بعدها جعل جزاء والده دار المسنين

قصيدتي




... ليت الزمن يرجع ...



ليت الزمن يرجع ويرجـع زمانــي = ودي أطفـــي جمــرة داخــل الـــروح



واقتص من شخص عزيزٍ كوانـي = واصبح فـؤاي من فعايلـــه مجـــروح



قاســي ظلمنـي والله المستعـانــي = من بعدها وانا اسهــر الليـل وانـــوح



شايب ضعيــفٍ مالـي الا لسـانــي = خارت قــواي ولاقدر آجـي ولا اروح



مرجوم في دار غدت هي مكانـــي = غابت بها كل ابتسـامـــات وامـــزوح



مالي بهم ياخوك قاصــي ودانـــي = كلٍ على فــراش التعاسـات مســـدوح



المشكلــه باللــي معاهــم رمانـــي = أقصد ضناي وزود اــلروح بجـــروح



لاواحسايــف فرحتــي يـوم جانـي = زانت به الدنيـــا مســـرات وفـــروح



بنيت فــي بالــي جميــل الأمـانـي = وشـيـــدت له بالقلب بنيان وصــروح



ومن موت والدته وحنـا خوانـــي = تــركـت لجلـــه كــل زيــنٍ ومملـــوح



مابي يكدر خاطــره شخص ثانـي = وش عاد لو يقفي حلا العمـر ويـــروح



كنت ارتجي نفعه إذا الوقت شاني = لاضعف حالي واصبح الصوت مبحوح



يظفنــي لاصـــار سبعــي ثمانــي = ويصيـــر ظلــي عن سمايم ولافــــوح



واليـوم يـوم انـي بغيتـه جفـانـي = قـــام وتنكــر لـــي ولاهـــوب مبيـــوح



يالله عســـى تبــلاه باللـي بلانـي = اشــوفـــه مــن الهــم والغـم مطـروح



يـذوق ونـاتــي خبيـث المعـانـــي = يفـــوح قلبـــه بالألم والحـــزن فــوح



مايـهتنـي بدنيـاه لـوهـي ثوانـــي = يشوف ماشفته قبـل طلعـــت الـــروح



وختامها ياجعـل هاللــي وطـانــي = ياطاه ولاني قايــلٍ يــــوم مسمـــوح

ختاماً



أتمنى أن تنال ولو على أقل إعجابكم


احترامي وتقديري لكم