تقبلوا مني محاولاتي الشعريه بكل الحب
هذي هي الدنيا حكايات وعلوم*** قصص عجيبة تذهل اللي قراها
الدنيا لو تضحك معك دايم الدوم*** خلّك فطين ولا يهمك رضاها
كم واحدٍ تبني له امال وحلوم***يفنى وغيره يهتني في بناها
ياما افرحَت قومٍ وياما احزنت قوم*** وكم أعشقت عين وخانت غلاها
ناظر لماضينا وشف حالنا اليوم *** دنيا تقلّب ياكفى الله بلاها
ماكل صوت نسمعه دوم مفهوم*** وما كل روح تلتقي في مناها
وما كل من يشكي معذب ومحروم***وما كل من يضحك همومه نساها
بحر الحياة ان صرت ماتعرف العوم***يرميك في غبه بعيد مداها
واجه هبوب الوقت بايمان وعزوم***لابد ماربك يسخّر هواها
واصبر اذا شمسك حجب نورها غيوم*** الغيم يتفرق ويشرق سناها
متاهات الزمن @mtahat_alzmn
عضوة جديدة
يلزم عليك تسجيل الدخول أولًا لكتابة تعليق.
بنتPORT
•
والله بداية مرةحلوة بجدو*****الله موفقة
http://up1.m5zn.com"]https://d2s63a22uzwg40.cloudfront.net/postexternals/notFoundFromSource.jpg]
الصفحة الأخيرة