عجينة البقلاوه واستخداماتها في الحلويات

اولا اصابع البقلاوه
نص كيلو عجينة الجلاش او البقلاوه
كوب سمن ويفضل البقره الحلوب اللي علبتها خضرا عشان ريحته طيبه
ممكن تضيفين نص سمن وباكيت زبده الصغير لأن قياسه نص كوب بالضبط
3 اكواب فستق مفروم وربع كوب زياده للزينه
ملعقة كبيره سكر بودره مضافه للفستق وملعقه ماء زهر

مدي 3 ورقات من العجينه طبعا فوق بعض و وضعي سيخ شوي اللحم الرفيع بعرض العجينه ورشي على طول السيخ مقدار من الفستق لا تكثرين بس رش طبعا بشكل مرتب يوازي السيخ لفي العجينه طبعا وظيفة السيخ تسند ايدج اثناء اللف ولغاية ما توصلي للعرض اللي تبينه اسحبي السيخ من الجنب بسرع راح يكون عنج رول قصيه بالمسطره اصابع متساويه وصفيه بصينيه مدهونه
اسقيه بالسمن ودخليه الفرن يتشقر واول ما يطلع اسقيه بالقطر
ويرش بالفستق
القطر
4 كوب سكر
2 كوب ماء
ملعقة صغيره عصير ليمون
اتركيه يغلي 10 دقايق بس من بعد ما يذوب
ثم اضيفي له ربع كوب مخلوط ماء ورد وماء زهر وممكن ماء ورد بس
اتركيه يغلي دقيه وحده وبس


استخدام القطر يكون مو محدد حسب رغبتك يعني حسب الحلاة المطلوبه


نفس المقدار السابق ولكن بدل الفستق للحشوه حطي لوز او جوز
نصفي العجينه وافرديها في صينيه دائريه ورشي الحشو وغطيها بالنص الثاني وقطعيها معينات واسقيها بالسمن واخبزيها وترش بالقطر والفستق




كول واشكر
نفس المقدار الاساسي من العجينه والسمنه
بس تحتاج لقطاعة دائريه صغيره
وعدد الطبقات لا يقل عن 7
يعني تاخذي 7 ورقات وترشين الحشو على الوجه وتثني ثنيه وحده بالطرف وتقطعين بالقطاعه عشان تاخذ الشكل نص دائري وامشي على باقي العجين


البقلاوه المربعه
نفس ما سبق
وهاتي سبع ورقات وقصيهم مربعات متساويه واحشي وسكريهم على بعض


وردات بالقشطه


قطعي العجينه بقطاعه دائريه 7 طبقات فوق بعض ورصيهم في صينيه واسقيهم سمن واخبزيهم
وهاتي قشطة فرش وما ان تبرد احشي وحده وسكريها بوحده ثانيه تكون مثل الساندويتش واسقيها قطر دافي


وربات
نفس ما سبق
الحشوه
كوبين ماء
كوب حليب بودره
3 ملاعق اكل مملوءه طحين
يضرب جيدا بالخلاط عشان يذوب الطحين
ضعي الخليط على النار وما ان يغلي ارفعيه واضيفي له علبة قيمر كي دي دي الكبيره وقلبيه حتى تتجانس واتركه يبرد تماما


زنود الست
نفس الوربات بس تضيفين للقشطه 2 ملعقة اكل ماء زهر عشان النكهة
وممكن تدخلينها الفرن بدل القلي عشان لا تتشرب زيت
بس طبعا لازم تنسقي بالسمن عدل

الكلاج
تحشي طبقتين من العجينه بالقشطه وتسكرينها مثل الظرف مربع بإحكام وتنزلينها بحليب سايل عشان تطرى

تقلى في زيت ساخن وتسقى بالقطر



وبالعافيه
واللي عندها طريقه جديده لإستخدام هالعجينه لا تنسانا :27: