اليوم سويت السمبوسه من عجينه وحشوة وحبيت تشاركوني فيها
وان شاء الله تعجبكم لما تجربونها بعد
هذى قطاعة العجينه
واهني الحشوة بالبطاط والبزاليا .... والعجينه
واهني بعد التطبيق
واهني بعد القلي .... مقرمشه وماتشرب زيت
العجينه : 3 ك طحين ابيض
وماي دافي 1ك
نص ك زيت
ملح
وتعجن جيدا وتقطع دوائر صغيره وتترك ترتاح
1 ك ماي دافي
الحشوة
بطاط مقطع مكعبات ومسلوق نص سلقه
بزاليا مسلوقه
بصل مفروم
كزبره
كمون حب وبهارات كاري وملح وفلفل اسود واشوي كركم
الطريقه
نحمس البصل بالزيت ثم نضيف عليه الكمون الحب والزنجبيل والكزبره... والبطاط ... والبزاليا ... والملح والفلفل الاسود والكاري .... تترك على نار وسط حتى تلين اشوي وتتمازج مع المكونات... ولما تبرد نحشيها
العجينه نرقها برشة طحين ونحطها على القطاعه ونضع الحشوة بالوسط ونطبقها ... وهكذا الى ان ينتهي المقدار
ثم نقليها بزيت وسط لا هو غزير ولا قليل ... حتى تتحمر من الجانبين وتقدم
والباقي طبعا فرزنته
والمره الجايه راح اسويها بالجبن
:42: