أنا جربتها عند uaewoman بالفعل روووووووووعة ..

شكرا حبيباتي .. و خصوصا لك يالياسية... و بالهنا و الشفا ...

روووووووووووعه تسلم يدينك

الله يهنيج يالغالية ... ما تقصرين حبيبتي .. إلا بغيت أسأل .. هل هي نفس العجينة اللي كانت مسواية فطاير جبن وزعتر؟؟ تراه اختج انهبلت عليها :32: وكلما أتذكر طراوتها وخاصة انها توها فريششششش :p أحس اني يوعانه :06:

هلا اختي الياسية.. هي العجينة نفسها...

بنات انا سويت بعض التعديلات و طلعت العجينة ألذ و أشهى...

2 كوب ماء دافي
ربع كوب سكر
2 ملعقة صغيرة خمير فورية DCL
1 ك حليب رينبو بودرة
نص كوب زيت ذرة
5 ونص ك طحين
(المقادير كما في السابق استخدمت اكواب القياس اللي بالسوق لونها أسود بلاستيك بحيث تملين الكوب و تمسحينه بسكين من فوق علشان يعطيج كوب كامل)

1) تذوبين السكر بالماء و بعدين تحطين الخميرة و تذوبينها
2) تحطين ك الحليب البودرة و الزيت و تذوبينها في الماء
3) تحطين الطحين و الملح و تعجنين لمدة 5 دقائق لين ما تصير عندج عجينة متماسكة.
5) تشكلينها حسب الذوق و تصفينها على صينية مدهونة و تخلينها ترتاح مدة 10 دقائق و تدخلينها فرن درجة حرارته 150 لين ما تحمر من تحت و تحمرينها من فوق شوي... و بالهنا و الشفاء.