عجينة فطائر ممتازة تكفي لشخصين

مررررررررررحبا بكل من تفضل ودخل..يا هلا والله يا هلا
هاذي عجينة فطائر روعه اسميها عجينة المميزات..طبعا تبغون تعرفون هالمميزات

انا راح اقولكم اولا..انها بيضاء مثل القطنة..ولذيذة...وانها اقتصادية يعني مقاديرها موجودة في كل بيت وما راح ترمين شئ من العجينةلان مقياس العجينة مظبوط لشخصين ..وممكن تسوين 8حبات فطائر..8حبات بيتزا..8حبات زعتر ..8حبات جيب التاجر او فرموزة........
وان ما فيها بيض اطلاقا(لان بعض الناس عندهم حساسية من البيض فينحرمون من المعجنات)ومع ذلك ناجحة جدا..والمقادير هي كالآتي:
ثلاث ملاعق كبيرة حليب بودرة
نصف فنجال قهوة سكر
ذرة ملح
ملعقة كبيرة خميرة
نصف ملعقة صغيرة بكنج باودر
نصف بيالة شاي زيت
كوب ماء دافئ
تخلط جميع المقادير في الخلاط ثم تعجن بكوب ونصف دقيق ابيض ..وممكن اذا احتاجت العجينة زيادة دقيق نضيف لها حتى تتكون عجينة ناعمة ومتماسكة..وتترك لتختمر لمدة ساعة الا ربع
ثم تشكل حسب الرغبة ..وممكن مضاعفة المقداراذا اردت ...عاد جربوها ولا تنسون تدعون لي.

.
.
.
.
.
.
.
.
ملاحظة صغينونة....سبق وان شاركت بهذه المشاركة في منتدى لك باسم السنافية:41: