السلام عليكم ورحمة الله وبركاته
اليوم سويت لكم عجينه لذيذه وطريه ان شاء الله تعجبكم
أول شئ نبدأ بالمقادير ::
2 كاس دقيق
4 ملاعق حليب بودره
ثلث كاس زيت
ملعقه كبيره خميره
ملعقه صغيره بكنج بودر
كاس ماء
2 ملعقه كبيره سكر
ذرة ملح
والحين نجي للطريقه مع الصور ::
نعجن المقادير كلها سوا بدون اضافة زيادة دقيق واعجني زين الى ان تصير ماتتلصق بيدك وخليها تتخمر من نصف
ساعه الى ساعه
سر هشاشة وطراوة المعجنات >>> تخبيط العجين اثناء العجن اقعدي خبطي فيها وبقسيها وسوي ملاكمه معها ههههههه
وهذي صورتها بعد ماعجنتها
وهذي بعد التخمير
بعدين تفردينها وتشكلينها باي شكل يعجبك وتحشينها بنكهات مختلفه وتخلينها الفرن انا والله نسيت اصورها لكم وانا
افردها واقطعها بس صورتها لكم بعد ماطلعتها واستوت صلحت منها كذا شكل وصلحتها بعجين البر والابيض
وكلها ماشاء الله ضبطت
وهذي صورتها بعد ماخلصت واستوت
وهذي من قريب
وهذي بدقيق البر
وصلحت من نفس العجينه سينابون وطلعت مررره روووعه وهشه وكل من ذاق الفطائر اعجبته و طلب الطريقه
وهذي صورت السنابون قبل لا ادخله الفرن
بس انشغلت بعدها مع العيال الله يصلحهم ويحفظهم ولاصورتها بعد ماطلعتها من الفرن
وان شاء الله يعجبكم شغلي
واتمنى اشوف ردودكم الحلوه
يلزم عليك تسجيل الدخول أولًا لكتابة تعليق.
الصفحة الأخيرة
تسلمين """"
بس حسافه ماطلعت عندي الصور.....