كثير يستغربون إذا قلت عجينه بدون زيت وأولهم
أهلي كانوا يقولون لااا وشلون تصير أكيد تحطين فيها
زيت وتسوين فاهمه علينا :06:إلى أن سويتها تحت عيون ماماتي
وإعتمدوها عندهم الحمدلله >> المفروض يعطوني وسام
التوعيه الصحيه وإلا ينصبوني وزيرة الصحه بدل المانع >> :D
ندخل في المقادير اللي عقدتني بصراحه كل ماأسوي
العجينه أقول أبقيس كمية الدقيق وماأذكر إلا إذا إنتهيت..المهم:
طريقتي بالضبط والتفصيل المفصل واللي صرت أسويها
وأنا مغمضه::
1م ك خميره
نصف م ك سكر
ذرة ملح
وكوب مويه دافي
أذوبهم في الزبديه اللي أبعجن فيها بالسلك اليدوي
وأغلفها بالنايلون بعدين أغطيها وأنساها نصف ساعه
طبعا لأن الجو بارد الفتره هذي في الصيف أقل من النصف
لحد ماتنفش من فوق ويطلع وجهها زي الإسفنجه؛أضيف لها:
8م ك حليب بودره >أستخدم خالي الدسم<
اللي تفضل كامل الدسم براحتها
أستبدلها أحيانا ب 4م ك مليانه زبادي >أستخدم خالي الدسم<
وتطلع نفس النتيجه بس أضيف مع الزبادي ربع ملعقه
بيكربونات الصوديم وتقدرين تستغنين عنه,
نصف م ك بكنج بودر
نصف م ك من أي نكهه حابه تضيفين لها(أوريغانو,زعتر عادي,
سماق>بس ماتضيفينه إلا بعد ماتبدين تعجنين عشان مايذوب اللون,
وأحيانا أضيف رشة بودرة الثوم وخصوصا إذا كنت أبسوي
بيتزا أو فطاير التونه تطلع تحفه),
أذوب باقي المقادير مع بعض وأبدا أضيف الدقيق
هو تقريبا كوبين وشوي يعني إنتي حطي كوبين وإذا إحتاج زيدي
(مع الزبادي بتحتاجين أكثر من كوبين)
لحد ماتوصل لقوام طري بس تتلزق في اليد وهذا أهم شي
إذا زدتي الدقيق ماراح تتلزق لكن أنا أفضلها كذا لأنها تطلع أطرى
وأبدا أعجن بكل ماأوتيت من قوه لحد ماتبدا تفك من يدي يعني
ماتتلزق مثل قبل,واللي بتعجنها بالعجانه تخليها تطول شوي في العجن
وأغلف عليها وأغطيها وأتركها ساعتين لأن الجو بارد
أما في الصيف بتفوح ريحة الخميره,
هذي العجينه قبل تتخمر:
بعدها أبدا أشكلها وأحشيها وأستخدم صينية تيفال غير مدهونه
"]
"]
وأدخلها فرن ساخن جدا إذا تحمرت من تحت
أطلعها وأدهن وجهها ببياض البيض وإذا حبيتي زينيها باللي تفضلينه
وحمريها من فوق وتطلع لك بالشكل هذا
هنا بعد مادهنتها بالبياض رشيتها بجبنة بارميزان مبشوره وحشيتها بارميزان وموزاريلا وطماطم
مكعبات طلعت روعه
"]
باقي تتمه
جبنة حلوم بالبقدونس وحمرتها عالصاج وهو ساخن جدا
عالوجهين وطلعت جنااان صبيت على اللبنه عسل وهي ساخنه
وطلعت كأنها جاهزه بس هذي أنظف وأطعم,
وهذي صورتها
..............
وهنا شكلتها في صينية الكوب كيك المدوره وحشيتها
جبن سايل مع بيضه وزينتها بالسماق قبل الخبز
..................
....."]
.....................................
أستخدم العجينه هذي لجميع المعجنات بس لكل نوع أحب أضيف
له نكهه عدا السينابون والأصناف الحلوه..
الكميه قابله للمضاعفه بنفس المقادير والطريقه
وبتطلع نفس النتيجه إن شاء الله..
ومحل مايسري يمري:f226:..