طريقتي المعتمده كوبين دقيق يضاف عليهم فنجان صغير زيت ثم يفرك باطراف الاصابع

في الخلاط نضع كوب ماء دافي ونص فنجان سكر وذرة ملح وثلاث ملاعق صغيره خميرة فوريةوتخلط جيدا ثم تضاف على الدقيق وتعجن جيدا جيداجيدا ثم تترك لتختمر ونبدا بالعمل هذي دائما تكفي معي بيتزا وخلية نحل وكلها تكفي نفرين فقط وعوافي على قلبك

انا مثلك بس شخصين وهذه طريقه عجينه سهله مره تقدرين تضاعفينها لو حبيتي


في خلاط الطماط تضيفين ثلاثه ارباع كأس ماء وملعقه حليب نيدو وملعقه سكر وملعقه خميره ونص بياله زيت وشويه ملح
تخلطينه الى ان يتجانس وتضيفينه على كأس ونص دقيق وتعجنين وترشين شويه دقيق اذا حسيتها تلزق بيدك الى ان تصبح قطعه كامله ولاتلصق باليد غطيها تقريبا نص ساعه واستخدميها واذا سويتي الفطائر وشكلتيها خليها خمس دقائق قبل الخبز علشان تنفش اكثر بس غطيها بفوطه علشان ماتيبس .

الطريقه هذه بدون بيض على فكره
وتقدرين تقسمين العجينه وتسويها نوعين فطائر

ياحبيبتي تقدرين تسوينها كمية كبيرة وفرزني نصها بالفريز واستخدميها بوقت ثاني والله تطلع كانك توك مسويتها ....

شوفي لك أي عجينة تعجبك
بس المقاس صغريه
مثلا كاس طحين إنتي حطي كاس الجبن الصغير
مثلا 3 ملاعق حليب إنتي حطي 3 ملاعق صغيرة
وهكذا....

موفقه
سبحان الله وبحمده
سبحان الله العظيم

مادري انا قالتلي مرة خالي على عجينة حلوه وخفيفه
أحط بالخلاط فنجال سكر وفنجال زيت وفنجال حليب بودره وملعقه صغيرة بكنج بودر مع كاس ماء دافي واخلطها
واعجن معها بعد ماحطها بالصينيه كاسين دقيق وملعقه كبيره خميره فوريه ..

وبالهنا والشفا (: