عجينة للخليه والفطاير (( سباق النجوم))

السلام عليكم.. هذي وحده عطتني طريقتها وطبقتها وطلعت روووعه هشه مره قلت انزلها لكم ..
المقادير:""
فنجان قهوة حليب بودرة
ٍوفنجان زيت
ونص فنجان سكر
وكاسه مويه
وملعقه خميرة
ورشه ملح
وكاستين دقيق
واعجنيها زييين طبعا كل ماعجنتي أفضل بس انا ازيد عليها كذا دقيق واعجن زيدي بالتدريج لين تحسين انها تمام بعدها غطيها وخليها تخمر .. اذا بتسووين خليه شكليها وادهنيها فوق بيض او حليب انا أفضل الحليب ورشي عليها اذا تحبين سمسم وحبة بركه وغطيها وخليها تخمر كذا شويه تنتفخ بعدين دخليها الفرن .. انا ماسويت هالحركه كنت مستعجله وبسرعه دخلتها الفرن فما جت منتفخه مره بس هشششه ولذيذه جربوها..



ملاحظه

العجينه الكل يعرف كيف يسويها بس للأفادة اولا المويه دافيه أفضل ونحط المواد السائله ونخلطها بمضرب يدوي مع بعض شويه تتفاعل بعدين نبدا نحط المواد الجافه ونضربها بعدها نحط الدقيق بالتدريج ونعجن ونطول في العجن عشان تجي هشه وحلوه وان شاء الله تعجبكم ...