مرحبا بنات
انا مو راعية عجين ولا اعرف له بس جربت هالعجينة واعجبتني وتنفع لكل شي بيتزا فطاير سينامون رول
صحيح متعبة بالعجن بس تستاهل
اللي عندها عجانة ماراح تتعب
انا سويتها بيدي
المقادير باستخدام الاكواب المعيارية
4 كاس دقيق كويتي او اي نوع كويس
6 ملاعق كبيرة حليب بودرة
5 ملاعق كبيرة سكر
رشة ملح
2 كوب موية فاترة
2 ملعقة كبيرة سمنة كريسكو بالزبدة (أخذتها من السيفوي )
الطريقة
تخلطين الموية مع السكر مع الخميرة لحد ما يذوبون تماما
وبعدين يضاف الحليب والملح وبعدين الزبدة
ويضاف الدقيق بالتدريج وتعجن وتضرب وتنجلد وتتصفق العجينة لمدة لا تقل عن الربع ساعة
شوفوها بعد العجن :09:
تترك لتخمر ساعة
تشكل وتحشى حسب الرغبة
ولازم تكوني مسخنة الفرن قبل
يفضل انو تخلين الفطاير ترتاح بعد التشكيل ربع ساعة وتغطينها بسفره بلاستك
وتقدرين تدخلينها على طول الفرن
هذي اللي استخدمتها سماق ونعناع وسمسم
والخلطة البنية اللي في الصورة
تدهنين فيها وجة الفطاير حتى تكتسب لون بني جميل جدا مع لمعة
وهي عبارة عن صفار بيضة + شوي حليب سايل + نسكافية مذوبة مع شوي موية + شوية زيت مرة قليل
خيارات لتزين الفطاير من برا واللي من خلالها تقدرين تفرقين بالحشوات
نعناع مجفف
زعتر
سماق
سمسم
حبة سودا
هذا شكل فطايري :icon28:
اللي فوقها نعناع مجفف - جبن ونعناع
للي فوقها سمسم - البقرة الضاحكة
اللي فوقها سماق - لبنة وزيتون
اتمنى تستفيدون وتجربوها
:26:
والله يخلي لك ياااااه