عجينة معجنات متعددة الإستخدامات

إزيكم يا بنات انا النهاردة قررت اعمل البوست عن المعجنات المالحة يعني أي.....؟
يعني من عجينه واحدة اقدر اعمل كل أصناف المعجنات تعالوا نعرف المقادير والطريقه يلا بينا
اولا: مقادير العجينه الأصلية والتقليدية:-
دقيق - ماء- زيت -سكر -ملح -خميرة
دي المقادير البسيطه تعمل كل المعجنات وممكن طبعا نحط إضافات زي دي ( زبادي - بيض- لبن باودر- زعتر- سمسم- حبة البركة - زبدة) طبعا نوع أو نوعين نضيفهم ع المقادير السابقه
ثانيا: الطريقه:-
لازم تعرفي إن مافيش كميه معينه عشان تعملي منها عجينه يعني بالبركه ازاااااي تعالي اقولك تجربتي الشخصية يلا بينا.......
أنا مثلا عاوزة اعمل بيتزا بقوم أجيب بولة واحط فيها 3 كوب (مج كبير) دقيق + معلقة كبيرة سكر +معلقة كبيرة خميرة + معلقة صغيرة ملح + 2 معلقة كبيرة زيت+ علبة زبادي صغيرة أو 2 معلقة كبيرة لبن باودر + ماء دافئ للعجن( انا بحط شوي شوي لحد ما أوصل لقوام العجينه المطلوبه )
دي طريقتي
**الملاحظات:-
●نستخدم دقيق جميع الأغراض أو المخبوزات
●نزود ماء على حسب العجينه تحتاج ولا لا
●نزود دقيق إذا العجينه بتلزق كتير
● لازم العجينة تتعجن كويس لحد ما تبقى طرية جدا وهتبقي هاشة وطريه في التسويه
● في الصيف نضع بولة العجن بالفرن ونغطيها وتتخمر العجينه في نص ساعة تقريبا لأن جو حار
● في الشتاء نجيب صينيه ونحط ماء ساخن بها ونضع فوقها بولة العجن ونغطيها ونضعها بالفرن في خلال ساعة هتتخمر إن شاء الله
● التأكد من تاريخ صلاحية الخميرة لأنها أساس العجينه
● العجينه مناسب ل ( البيتزا - الفينو- التوست - خلية النحل - مناقيش - معجنات صغيرة الحجم محشيه ) ●تسخين الفرن مسبقا قبل الخبز
أتمنى تكونوا فهمتوا حاجه وتدعولي بالزوج الصالح والذرية الصالحة