اليوم جايبه لكم عجينة فطائر بجد مو اى عجينه انا بالاول خلونى اخبركم انى ما اثبت على عجينة وحده للفطائر لانه ولا مره اعجبتني عجينه وكنت راضيه عنها 100% وتعبت برمضان الى راح بتقولولى ليه التعب طيب فيه عجاين حلوه اقولكم اوكى بس مو عجينه تبتل طريه وكنك توك مطلعتها من الفرن وهشه ولا تاخذ وقت .... لانه تعرفون رمضان فا الاكل الى وقت متاخر بالليل مستمر فا اذا حطيتي الفطاير بالحافظه راح تفقد هشاشتها وتطلع لها ريحه الخميره يعنى احسن تتاكل وهى حاره من الفرن او بعده بشوى ....... ما قدرت ارتاح ولا مع عجينه .
لكن لكن لكن
الحيييييييييييين ابدا ما راح اغير عن ها العجينه هذى الخطييييييره جدا جدا فيها ميزات روعه
اولا هشه موووت ثانيا ما تااااخذ وقت !!! ثالثااا ما فيها ببيييض
بتقولولى واذا ما فيها بيض بقولكم مرات يخلص البيض وتبتلشين
خلاص بريحكم بقولكم المقادير بالاول اسم ها العجينة عجينة منيره
ما صورتلكم طريقة عجنها لانها ما تختلف عن العجن العادي لكن فيه صوره للفطاير بعد ما خلصوا وطلعوا من الفرررن
يلا يلا خلاص بقول المقادير ...
في الخلاط \ كاس ماء دافي .... 3 م ك حليب بودره ....3 م ك سكر .... 1 م ك خميره ....نصف م ك بكنج بودر .....بيالة شاهي زيت
تخلطينها وتخلين الخلطه ترتاح وهي بالخلاط لمدة 5 دقائق
ثم تجيبين الوعاء العميق بعد انتهاء الخمس دقائق وتصبين فيه الى بالخلاط وبعدين تكبين عليه بشويش........ كوبين طحين......... وتحركينه بالملعقه شوى شوى تكبين لين يخلص الكاسين وبعدها تعجنين بتلاحظين ان العجينه هشه انا اضيف لها شويه طحين زياده بس عشان ما تتلصق بيدي وبعدين شويه عجن ناعم وتخلينها بمكان دافي وتغطينها لمدة ربع ساعه فقط فقط
وبتشوفين الفرررق
ولكم الصوره وبصحه وعافيه
بالصوره فطائر على شكل اقراص ساندوتش قاصده انا ارقق العجينه ما ابيها ترتفع بزياده في ها الشكل . والى بنجبها فطائر بشكلها العادي
