انا جربت كذا نوع من العجاين الي يطلع ناشف والي تنشف بعد فترة والي ما تزبط بالدقيق العادي السعودي او دقيق الحب
بس دي العجينة ماشالله تزبط بأي نوع دقيق انا استخدمت دقيق الحب وطلعت لذيذة حتى بنت عمي تقلي ماشالله ما يطلع دقيق الحب لذيذ في المعجنات بس دي العجينة لذيذة , وجربت بالدقيق السعودي وطلعت ممتازة ماشالله واظن انه بالدقيق الكويتي تطلع الذ كمان
ندخل في المقادير
كاسة الا ربع حليب بودرة
2 كأس ماء دااااااافي ولازم دافي
ملعقة كبيرة عسل
نصف ملعقة صغيرة ملح
نصف فنجان شاهي سكر
ملعقة كبيرة خميرة
نصف ملعقة صغيرة بيكنج بودر ( الملعقة الصغيرة المقصود بها ملعقة الحلا وليس ملعقة الشاهي الصغيرة جدا ) ينخل مع الدقيق
4 كاسات دقيق ( طحين ) وممكن تحتاجي 5 كاسات على حسب الدقيق حقك اهم شي تمشي عالخطوات المكتوبة
اصباع زبدة بدرجة حرارة الغرفة وليس ذائب
الطريقة
نحط الماء مع الحليب والعسل والسكر والملح ونقلب جيدا لين يذوب العسل والسكر والحليب
نضع الخميرة ونقلب
نبدا نجيب الدقيق ونحط او شي كاستين ونصف ونقلب بالملعقة
بعدين نبدأ نضع ربع ربع ونعجن لين تتكون عجينة متماسكة ولازم تكون متماسكة كويس مو لينة مرة لانو الزبدة راح تعطيها طراوة بعدين
ممكن تحتاجي اكتر من كمية الدقيق دي وممكن اقل على حسب نوع الدقيق حقك
لمن نعجن كويس نضع اصبع الزبدة اللين ونبدأ نعجن نعجن لين تتكون عجينة ملساء وناعمة ولا تلصق في اليد
ندعها نختمر نصف ساعة
ملاحظة: كل ماعجنتي في العجينة تكون احلا
وشكلي فيها الي تحبيه
عندي خلطات لذيذة لو تحبو بالدجاج والجبنة وباللحمة المفرومة والجبنة وبالسجق والجينة لو حابين اكتبها ماتغلا عليكم :)
وصحتين وعافية
جربوها وان شاءالله تعجبكم
جبتلكم الصور
بس معليش مازبطت الصحن كتير لانو بسرعة بدي اصور وانام تعبااااااااانة
دي بيتزا
ودا عيش ابو اللحم
لمن تخرجو الفطاير من الفرن غطوها بمشفة شوية مبللة او حطو قصدير بس لا تغلفوها كلها خلو منسم هوا عشان ماتنشف المعجنات بعدين
وانتبهو تحمر عليكم كتير من تحت ترا تنشف بسرعة بعدين
وصحتين :09: تعبت