روعة ما شاء الله بس حبيت أسأل عن الآلة اللي تستخدمينها في تزيين الخيار والجزر على شكل "شبكة" .. يا ريت صورة ما عليك أمر حبيبتي .. وين أحصلها في الدوحة؟

ياهلا وغلا

ان شالله الحين بصورها لج وان شالله ما يعطلني التحميل ولا المنتدى مثل البارحة


اما عن وين في الدوحة مادري والله بس اتوقع بتلقينها في كار فور لاني مب متأكدة

لحظات وارجع لج:27:

رجعت

لما دخلت الموضوع كنت صابة لي حليب بالزنجبيل



شفت طلب الاخت راجية غفران ربها قلت بروح اصور القطاعة وارجع

شفت الحليب كسر خاطري اول شي شربته والحمدلله رب العالمين ورحت اصور:)

هذي قطاعة الخضار




شوفي اللي حطيته عنده واحد واثنين

هنيه ممكن تخلين القطعة الحمرا في رقم واحد اذا حبيتي القطع اكبر وفي رقم 2 اذا حبيتي القطع اضعف



وطريقتها سهلة واتوقع تعرفونها وانج تمسكين الخيار او البطاطا او الفجل وتحركينه باتجاه القاطع

اذا تبينه مثل الشبكة تحركينه مرة شمال ومرة يمين يعني تغيرين اتجاهه كل مرة





هذي ما خذتها من كم سنة من تركيا

موقف حلو واحنا نشتريها

كنا راجعين من جزيرة الاميرات والجو يهبل وطيور النورس تطير معانا

دخل علينا في المركب واحد من تجار الشنطة وكانت هذي بضاعته وهو يشرح كان مفرفش مع انه كبير بس قاعد ينكت ويقطع قدامنا والكيس اللي عنده مليان خضار

اخر شي قال زوجي يستاهل نشتري من عنده سبحان الله البائع السمح ترتاحين وانتي تشترين منه
المهم اخذت اربعة لي ولامي وخواتي الله يحفظهم

حتى الشبس اسوي منها يطلع روعة ومشكل

ونزلت له كم صورة بس مادري وين بين المواضيع


ان شالله تلقيها في الدوحة


وان عرفت وين بقول لج:26:

مشكوووورة أختي .. ما قصرتي عالتوضيح .. كفيتي ووفيتي
الله لا يحرمنا منك يا نور الفجر

رووووووعه