السلام عليكم 🌹
اكيد الاغلب يدور ع عجينه ممتازه هشه وطريه
وراح اقولكم ع طريقتي المعتمده
بسم الله ..
استخدموا نفس الكوب >> الكوب اللي عندي ٢٥٠ مل
كوبين مويه دافيه مع ملعقة اكل خميره وملعقتين ونص سكر واخلطهم بالملعقه وغطوا عليه
نروح نسوي المقادير الجافه..
٣ اكواب دقيق > استخدم فوم
٣ م كبيره حليب بودره
١ م مليانه نشاء
شوية ملح
نخلطهم مع بعض ونضيف ربع كوب زيت ونفركهم باليد
لين يمتزج الزيت بالدقيق
وبعدها نضيف خليط المويه والخميره نضيف شوي شوي
نعجنها من ٧ الى ١٠ دقايق لين مايصير القوام مضبوط مو سايل ولا قاسي
يعني تصير ملمومه ..
ونلمها ع شكل كوره وندهن الصحن اللي راح تتخمر فيه ندهنه زيت وع العجينه من فوق ونغطيها ..
اكون مجهزه الفرن دافي مو حارررر انتبهوا اهم شي يكون دافي ..
واخليها تتخمر داخل الفرن..
بعد ماتتخمر اقسمها لكور
((( ما احتاج افردها ع دقيق العجينه مضبوطه ومتمساكه ع طراوه )))
((( لما تفردو وتشكلو العجينه خلو سمكها وسط لاتكون رقيقه عشان ماتطلع قاسيه )))
.
اخذ حبه واحشيها ب اي حشوه واغطي الباقي لين ماخلص الكميه وطبعا ارصها بصينية مدهونه زيت ولما اخلص كل الكميه اغطي الصينيه تتخمر ثاني تقريبا ربع ساعه وبعدين امسحها بالبيض وعليها سمسم او حبة البركه..
ادخلها بفرن مسبق التسخين ع ٢٠٠ من تحت ولا تخلونها تطول حدها من ٨ دقايق الى ١٢ دقيقه ع حسب فرنكم انا عندي تتحمر مايحتاج اشغل اللي فوق ..
اذا طولت وتحمرت كثير راح تصير قاسيه من فوق!!!
،
اول ماتطلع غطوها كويس لين تصير دافيه او تبرد ..
،
جربووووووها بنفس خطواتي صدقوني لذيييييييذه
،
دعواتكم🌹
شوشو الجهني’ @shosho_alghny_1
عضوة جديدة
يلزم عليك تسجيل الدخول أولًا لكتابة تعليق.
وعليكم السلام ورحمة الله وبركاته الله يسعدك ويعطيك العافية .وعليكم السلام ورحمة الله وبركاته الله يسعدك ويعطيك العافية .
يعافيكك ربي اسعدني مرورك الجميل💗💗
،
اتمنى ينقل لقسم المعجنات
اعتذر ع الخطأ🥺🌹
،
اتمنى ينقل لقسم المعجنات
اعتذر ع الخطأ🥺🌹
زائرة
•
وعليكم السلام ورحمة الله وبركاته الله يسعدك ويعطيك العافية .وعليكم السلام ورحمة الله وبركاته الله يسعدك ويعطيك العافية .
الصفحة الأخيرة
الله يسعدك ويعطيك العافية .