عجينتي خيااال حتى طعمها خيااال بدون حشوات

السلام عليكم حبيباتي
هذي العجينة طعمها يجنن حتى بدون حشوة وهشة ومضبوطة 100 %
اذا بغيتيها هشه افرديها وسط يميل الى السميك واذا بغيتيها مقرمشة افرديها رقيق
تستخدم للموالح والحلويات
بنفس الكوب :
كوبين طحين - نص كوب حليب بودرة
مك خميرة - مص بكنج بودر
فنجان سكر - مك ملح
ربع كوب زيت - كوب مويه دافي
نضع المقادير الجافة بالعجانة ثم الزيت ثم الماء وتعجنهن العجانه ربع ساعه
بعدين تغطين العجين وتتركينها بمكان دافي ساعة ثم تشكلينها بعد حشيها وادهنهن بيض وانا بعد مااحشيهن اتركهن عشر دقايق يرتاحن ثم ادخلهن الفرن المشغل مسبقآ الحرارة وسط وواضعهن بصينية تيفال وسط الفرن اذا انتفخن اولع المشواة عشان يكون اللون من تحت وفوق حلو
واخليهن 3 دقايق برى الفرن ثم اضعهن بحافظة واغطيهن بمناديل عشان يضلن طريات
الزايد اضعه بالفريز واطلعهن قبل الاكل بفترة بسيطة عشان يدفوا واسخنهن شوي بالمكرويف والله العظيم يكون طعمهن كانهن جدد
بس ماعرف اصورهن عشان اغريكم بهن
الحشوات
1 - جبنة حلوم مبشور + راس بصل مفروم ناعم + شوي زعتر بري
2 - بصل محموس ثم دجاج مفروم يحمس ثم جزر مبشور ثم بقدونس مفروم وبعد مانطفي النار نضع عليهن مايونيز شوي ملح شوي بهار
3 - جبنة المراعي البيضاء
4 - جبنة كرفت مبشورة + بصل اخضر مفروم ناعم
اما البيتزا ترق العجينة رقيقة ثم تدهن بالخلطة (بصل مفروم محموس ثم طماطم محموس شوي ملح وكتشب وزعتر بري ) وبعدين نضيف شرايح النقانق وشرايح الفطر وحلقات الفلفل الرومي وحلقات
الزيتون الاسود ويرش الوجة بجبنة المازرولا وامممممم على الطعم
نبي منكم الدعوات الحلوة والتجربة
والتجربة خير برهان