بالعربي انا انسانة ما عمري ضبطت العجينة ،، اسوي خليه تطلع بسبوسة على قولة :arb:
المهم اخذت طريقة من خالتي التي تصغرني سناً اصغر مني و تضبط العجينة ( قولوا ما شاء الله ) ،،
المهم عدلت شوي فيها بس و لله الحمد طلعت حلوة و لا يعلى عليها
المهم المقادير :
2كاس دقيق كويتي الكاس اللي هو كاس الجبن المستطيل
ملعقة كبيرة خميرة فورية
ملعقة صغيرة ملح
ملعقة كبيرة بكنج باودر
ملعقه سكر ناعم
نص كاس حليب سايل
1 علبة زبادي قليل الدسم
ربع كوب زيت
الطريقة :
مهم جداً جداً ما يطبها الماء ابد ابد نحط في الخلاط الزبادي و الخميرة و الحليب و السكر و الملح و الزيت عشان يذوب
ثم احط الدقيق بالتدريج مع البكنج باودر ثم ابدأ أعجن راح تتلزق في يدينك بس حاولي انك تحطي شوي دقيق ما تكثري و تحطي في يدك زيت عشان ما يتلزق و ابدي اخبطيها يعني شيليها و اضربي بها ، و مططيها مرة لين تحسي الهواء دخل فيها
و كل ما ضربتي بالعجين و خبطتيها و مططتيها كل ما كانت احسن و دخل فيها الهواء و ضبطت
بعدها كوريها و حطيها في زبدية و غطليها بكلاد و فوقه كيس و حطيها في مكان دافئ لمدة ساعة و نص
و بعدها اقسميها نصفين اذا تبين بيتزا كبار و الا خليها وحدة و الا صغار انا بصراحة حطيتها صغار و طلعت حلوة الحمد لله و الحشوة انتي حطي اللي تبين انا حطيت :
بصل و طماط و صلصة و بهورات و اوريجانو و ماجي و فلفل اسود خليته لين تسبك و سكرت النار
حطيته على العجين و حطيت فوقه : فلفل بارد ، مشروم ،زيتون ، نقانق،و جبن مزريلا
اترككم مع الصور
هذي اول ما كورتها ،، و حطيت الحشوة و دخلتها الفرن
و هذا شكلها النهائي
المهم لا يغركم الشكل ترا الطعم لذيذ و العجينة الحمد لله حلوة بس التصوير مو حلو و انا ما يهمني الشكل اهم شي الطعم
ما اعرف انظم الاكل احياناً
ماأحب أسوي المعجنات أحسها تعب ونادراً مايضبط الشكل..
الله يعين بس..