عجينه تجننوسهله

هاذي عجينة سريعة وسهلة ولذيذة جدا وهشةوتصلح للخبز والفطائر .. فانا باعطيكم طريقتها وأفكار لاستخدامها في الفطاير والساندويشات..


المقادير :
• فنجان قهوة سكر .
• 2 ملعقة أكل خميرة فورية .
• 2 ملعقة أكل كبيرة حليب بودرة
• 2 كوب ماء دافىء .
• ذرة ملح .
• 5 أكواب دقيق .
• ½ كوب زيت .

الطريقة :

1) اخلطي السكر مع الخميرة والحليب والماء والملح و2 كوب دقيق فقط باستخدام المضربة اليدوية أو المضربة السلكية .

(2) اتركيها جانبا في مكان دافىء وهي مغطاة بفوطة لمدة 10 دقائق

3) بعد انتهاء العشر دقائق اضيفي لها 3 أكواب دقيق مع نصف كوب زيت

(4) العجينة راح تكون شوي لاصقة مو وايد ( اذا كانت وايد لاصقة زيدي عليها شوي دقيق ) بس مو مشكلة رشي الدقيق على يديك وشكليها .


(5) وبعدين شكليها حسب ماتحبين . للبيتزا شكليها على شكل دائرة وضعيها في قالب البيتزا الدائري ولعمل الفطاير رققيه شوي وشكليه حسب ماتحبين ان تكون الفطاير . أما لعمل الخبز فانتي لا ترققينه بالخشبة وانما بيدج ، خذي قطعة وكوريها وبعدين اضغطي عليها براحة كفك جيدا ولتكن بسمك ¾ انش ( سميكة شوي ) وبعدين قصيها بقطاعة متوسطة الحجم عشان تكون دائرة متساوية ويمكنك التحكم في حجم الخبز حسب الساندويش .

(6) بعد ماتشكلينها حطيها في صحن للفرن بعد ماتمسحين الصحن بشوية زيت ودخليه الفرن شوي بس تأكدي انج ماتخلينه وايد لين مايحمر خله يكون لونه أبيض ولكن مستوي من الداخل وتأكدي انه مايتحمر ويكون يابس من تحت .