السلام عليكم ورحمة الله وبركاته
بما ان غرامي الفطاير والخبز.. وكل يوم طايحه بعجينه واغلب العجاين نتيجتها روعه وتمشي معاااي
هالمره جربت عجينه العضوه حنان..وكانت من جد على كلامها
المميز بالعجينه هذي انه مقاس الفرد مهما كان بتطلع لك الفطاير لينه وهشه
اغلب العجاين لما ارققها تجي يابسه ..اما هذي مافي اي مشكله وحتى ماتحتاج تغطينها بعد الفرن
من قلبي ادعي لك حنان..وربي يسعدك ويخلي حياتك لينه وهينه وسهله :)
وهذا رابط العجينه
http://forum.hawaaworld.com/showthread.php?t=2092267
وهذا تطبيقي
طبعا انا كنت مقهويه جارتي كانت جايبه بنوته عسل
سويت منها..
فطاير قلوب بجبن مالح وفلفل رومي..فطاير الاله حشيتها مصقعه
فطاير السمكه حشيتها تونه..برجر..وبيتزا بس نسيت احطها واخر شي ارسلتها لها :)
وسويت سمبوسه جبن ولحم.. وكبة رز..وسندوتشات شاورما بخبز المطبق
محشي ورق عنب وكرنب..وحلى قهوه 4 انواع
وبس :)
طريقة الحلا وصوره
من جد ونستوني..
الله يسعدكم ويفرحكم يااارب..
وبخصوص الحلا مافي غريب
حلا سمبوسه سويتز بالنستله والكورن فليكس
بسبوسة الكب كيك
حلا القوالب بشكل الورد الجوري حشيته لواكر وشي توفي وشي تشيز كيك وشي شعريه باكستانيه
ونفس القوالب شوكلاته اورنج بطعم المانجا وحشيتها مربى
و اخر شي حلا الاكواب مرررره لذيذ
حمستوني انزل طريقته بس مدري لوكان هنا موجود..
الطبقه الاولى
بسكوت داجستيف يغمس بحليب ويكسر بالكاس حطي فوقه توفي
الطبقه الثانيه
ظرف دريم ويب
10 كيري
5 ملاعق حليب بودره
قشطه
تضربينهم بالمضرب لحد مايصير كريمه ناعمه وتحطينها فوق التوفي
الطبقه الثالثه
6مارس تذوب مع قشطه
وهالمقادير تطلع لك مقادير كثيره اكثر من 20 كوب
والاكواب اخذتها من محلات ابو ريالين
اما القوالب السليكون جايبتهم لي وحده من صديقات اختي
وهذي الصور الموجوده عندي لاني مصورتهم مو ع اساس انزلهم بالمنتدى كنت بوريهم اختي ^_^
