اكيد كل وحده فيكم عانت وهي تدور احسن طريقة عجينه فطاير مثلي..صح؟
بس والله ثم والله ثم والله ان عندي لكم عجينه فطااير
غيييييييييييييييييييييييييييييييييييييييييييييييييييير
ومضموووووووووووووووووووووووووووووونه
وتوااااااااااااااااااااااااااااااااجه
ولا بعد تواجه وانتي شايفه نفسك وواثقه من زينها:)
والله زي القطن منفووشه وبييييييضا مره لونها حلو
حتى في الفرد لييينه معك وتتشكل على طول
اخذتها من خدامه اهلي كانت تشتغل طباخه في الكويت الله يعافيها
اول شي..
المقادير طبعا:
بيضه وحده
علبة زبادي(وهذا سر طراوتها ولونها الابيض الناصع)
3ملاعق حليب بدوره
نص كاس زيت
ملعقه ونص كبيره خميره
ملعقه صغيره بكنج بودر
فنجانين سكر
ذرة فانيلا
وره ملح
وكاس ماء
و4 كيسان طحين( كويتي) وقد يزيد(انا احط طحين بدون عد الكيسان يعني لمن تصير متماسكه وماتتلصق باليد يعني زي الكوره)
الطريقه: اخلطي جميع المقادير ماعدا الطحين واتركيهم نص ساعه وبعدين حطي الطحين بالتدريج واعجني لمن ماتلتصق بيدك وشيلي واضربي بها على الطاوله عشان تعطي نتايج احسن كرريه كم مره وكل ماطولتي بالعجن كلما طلعت مضبوطه اكثر أو استخدمي العجانه
بس انا اعجنها بيدي وتطلع تمام
وخليها تخمر نص ساعه الى ساعه
انا اسخن الفرن شوي واطفيه وادخل العجينه عشان تنتفش بسرعه وتخمر بدل مااقعد استنى نص ساعه
وتنفع هالعجينه لك شي حتى جميع انواع الفطاير والدونات والسينبون وكل شي
يعني تررييح من جد
وباالعافيه على قلوبكم
:)
