عجين ينفع لكل شي حتى السمبوسه

هذه طريقتي في العجينه تصلح للمعجنات والبيتزا هشه
https://www.hawaaworld.com/%D8...
السمبوسه عجينتها ثانيه

العجينه الناجحه هي اللي تكون طريه سهلة الفرد ماهي قاسيه

وتكون انعجنت كويس وارتاحت بعد العجن واخذت وقتها بالتخمير على الاقل ساعه الا ربع .
وكل ما اضفتي للعجينه مشتقات الالبان مثل حليب ، لبن ، زبادي تكون معجناتك هشه وطريه

وجربي هذي العجينه اسمها عجينة العشر دقايق تنفع لاغلب المعجنات مثل البيتزا والفطاير والسينابون .



في وعاء العجن اضيفي :

1 ونص كاس ماء دافي

1 ملعقه كبيره خميره

1 ملعقه كبيره سكر

1 ونص كاس طحين ابيض

اخفقي المكونات بمضرب السلك اليدوي او العجانه الكهربائيه وبيكون عندك خليط شبه سائل غطيه وحطيه بمكان دافي لمدة 10 دقايق وراح يرتفع ويتضاعف حجمه .

في وعاء ثاني اضيفي :

1 ونص كاس طحين ابيض

3 ملعقه كبيره حليب بودره

2 ملعقه صغيره بيكنج باودر

نص ملعقه صغيره ملح

اخلطيهم مع بعض وانخليهم واضيفيهم الى الخليط الاول مع ربع كاس زيت واعجني المكونات كويس الى ان تصير العجينه متماسكه وطريه تقدرين تستخدمينها مباشره او تتركينها ترتاح الى ان تجهزين الحشوه .

ومثل ماوضحت تقدرين تضيفين علبه صغيره زبادي او نص كوب لبن بحرارة المطبخ تضيفينه بعد تخمير المرحله الاولى الـ 10 دقايق بتلاحظين العجينه تفرق معك يصير لونها ابيض خاصة الزبادي واللبن فيه خمائر واحماض تتفاعل مع الخميره والبيكنج باودر . .

اذا بتستخدمين اللبن والزبادي نقصي من كمية الماء نص كاس واذا احتجتي بعدين زياده اضيفي ربع كوب .

يفيدونك البنات الله يسعدهم