عدة مشاكل تتعلق بالرشاقه والجسم والوجه بشكل خاص أتمنى منكم المساعده

السلام عليكم ورحمة الله وبركاته

اخواتي انا بدخل بالموضوع على طول بصراحه شديده انا جداً محبطه


اولاً من شكل جسمي لأن انا عندي انتفاخات في جوانب الظهر يعني دهون

خاصة واني كانت عندي زياده بالوزن فاقدرة بفضل من رب العالمين اني انزلها

عن طريق الرجيم والرياضه ولكن للأسف الجسم من أول صارله سنين وهو خربان

من هالإنتفاخات الدهنيه في جوانب الظهر يعني هي شكلها اقل من الأول بس

لما ألبس بلايز على قد جسمي تطلع لي على شكل قوسين من الجوانب

على تحت يعني زي كذا

IالظهرI
U....U
I........I

وانتو عارفين طبعا ان شكل الجسم بهالطريقه بيطلع مره بشع

ايضا عندي الفخوذ فيهم ترهل مدري وش اسوي عشان ينشدون بسرعه

مع اني اسوي رياضه احيانا والحمدلله بعد احسن من الأول بس هم

مو مضبوطين صايرين كأن الجلد متموج وهذا شئ مره مضايقني بصراحه

اذا فيه طريقه تشدهم


وكذلك عندي الساقين من الخلف عند مصفط الركبه من الخلف صاير مو مشدود


ابي طريقه تخليه مشدود ...


ثاني مشكله الصدر الصدر عندي مترهل لدرجه بس الفرق بين الأول والآن ان الأول

كان صحيح صدري نازل وهذا بسبب اهمالي له ونا صغيره وقلة توجيه

الوالده الله يهديها لي من ناحية لبس الستيانه عشان ينشد

فأصبح صدري مترهل ولكن كان أكثر شده من الآن لانه الآن جدا مترهل

حتى الجلد مره رخو حتى لما مره جا بالتلفزيون عن مسافة ترهل الصدر

ومتى نقول انه مترهل وهذا اذا قسنا من عند عظمة الرقبه الى حلمة الصدر

فإذا كانت المسافة الى 29 يعني مترهل جدا ونا صدري من عظمة الرقبه الى الحلمه 29

يعني مره مترهل ونا بصراحه ابغى صدري يكون مشدود ومدور تدوير وفيه رزه

مو سايح والجلد رخو فأتمنى تقولولي وش اسوي غير العمليات لاني اخاف منها مره

ابي رياضه او شي طبيعي يشد صدري ويخليه يوقف ...


ثاني شي بعد انا عندي في جوانب الثدي نفسه تطلع لي شعر صغير لما اشيله يكون فيه جذور

وينشال بسرعه يعني مو ينقطع لا بمجرد ما أسحبه يطلع وله من تحت جذور


ابغا اعرف وش هذي وايش سببها ..


بعدين انا احس ان صدري من فوق فيه شعيرات صغيره بس مره واضحه

من فوق الصدر هل هذا طبيعي ولافيه فيه شي غلط حاصل معي ونا موحاسه فيه ...

ثاني شي انا احس ان صدري من فوق بعد لونه مو موحد يعني زي فيه

تموج بني مع لوت البشره وش هذا ولا هذا طبيعي اصلا ...


ثالث شي بالنسبه لوجهي انا حاسه بعد ما نزل وزني بديت احس بتغير في وجهي

وهو ان في جبهتي طلعت لي زي الخطوط انا بصراحه بحياتي مانتبهت اذا هالخطوط كانت

موجوده من اول ولا اطلعت بعد مانزل وزني ولكن الان احس بمجرد ما ارفع حواجبي

تطلع هالخطوط انا بصراحه من بعد مالاحظت هالخطوط انها طلعت بديت اشوف الناس

هل فيهم مثلي اولا ولاحظت ان فيه ناس كثيره فيهم هالخطوط حتى الصغار

فهل هالخطوط طبيعيه ولا تدل على الكبر لأن انا الان دخلت بالثلاثين فما أدري

هل هذا من العمر ولا طبيعي لأني بصراحه ماحب أبين اني كبيره بالعمر لأن شكلي

مايدل على اني دخلت بالثلاثين فاصرت اخاف من ملاحظة الناس لهذي الأشياء

فهل فيه شئ يروح هالخطوط عشان ارتاح نفسياً لأن هذاك اليوم بنت اخوي

لما رفعت حواجبي جت وقالت لي ليه عمتي انتي فيك خطوط بجبهتك ساعتها

قلت بنفسي هذا بنت صغيره ولاحظت كيف الناس اجل فأتمنى تساعدوني بجد..

ورابع شي عندي بجوانب شفايفي لاحظت انه طلعت لي خطوط على شكل قوسين

من جد مره متأثره من هالناحيه خاصة لأني لما شفتهم فجئه تذكرت الدعايه

اللي تجي بالتلفزيون واللي تعرض كريم خاص بالخطوط اللي عند جوانب الفم

وتقول حتى لايشعر احد بتقدم سنك ضعي هذا الكريم من جد صرت حتى مرات

اداري ضحكتي عشان هالخطوط ماتطلع ... ولكن انا هم جلست ادقق في الناس

ولاحظت انه فيه حتى بنات صغار بالسن بالعشرينات وفيهم هالقوسين الزياده

على جوانب الفم موبس انا بس هم متضايقه على نفسي لأني ماحب أبان كبيره بالسن

فأتمنى تقولولي هل هذا طبيعي وكيف ممكن اتخلص من هالخطوط بكل الأحوال ...

رابع شي خشمي انا خشمي بصراحه ابغاه يطول ومدري وش اسوي فيه ابي طريقه تساعدني على تحسين شكله هل فيه طريقه ممكن تعدله واحب اذكر لكم ان انا خشمي وجوانب الأنف عندي رؤوس سوداء وناسمعت ان الرؤوس السوداء هي اللي تكبر مسام الوجه والأنف وبالتالي تعطيه حجم اكبر من حجمه فهل هالكلام صحيح وسواء كان صحيح اولا كيف اقدر اخليه يصير راز وحلو واخلي الرؤوس السوداء ترووووووووووح للأبد ...

خامس شئ انا كان ودي بشئ يعطي وجهي نظاره وبريق وجاذبيه خاصة وان انا بشرتي دهنيه يعني حتى لو حطيت كريم اساس يبقع فوق كذا احس دائما بشرتي مافيها نظاره ولا بريق من جد وهالشئ مسببلي تعب شديد لأني احب ابان اني صغيره وحيويه وكلي نشاط مو ابان مرهقه وكأني مريضه :175:


سادس شئ أيديني ابغاهم يكونون حلوين ويبانون متطابقين في اللون

مو اليد من تحت مع الأصابع يبان لونهم اغمق من الأيد من فوق

فوق كذا ابغاها تكون حلوه مره مدري فيه رياضه وكريم او طريقه تخلي أصابع اليد تصير ضعيفه

وتبان طويله وتهبل من نعومتها ولونها المتطابق خاصة من حوالين الأظافر ...

سابع شئ الرقبه انا رقبتي بعد مانحفت الحمدلله ومشاء الله تبارك الله يعني طلع شكلها

ولكن تعرفون ضغط الجسم الول خلاها يكون فيها خطوط يعني كانت على شكل حلقات

اما الان الحمدلله تحسن شكلها مررررره ولكن جهه مافيها خطوط والجهه الثانيه

الى نص الرقبه من المام الخطوط واضحه اول حاجه ابي شئ يشد الرقبه ويساويها

وثاني شئ حاجه تخلي هالخطوط تروح ...


ثامن شئ هل فيه شئ يخلي الشعر يطول بشكل طبيعي ومايتساقط حتى لو كان

مصبوغ ويكون بعد يكثر الشعر ويعطيه بريق ولمعان ويحميه من خشونة

الصبغات ويخليه مفرود والشعر وين ماتروحين يتحرك معاك ؟؟؟

تاسع شئ بس اتذكر اجي اقولكم هههههههههههههههه اسفه بتعبكم

معاي بس جزاكم الله خير مقدماً ...