عدة ملاحظات مهمة لمتابعات الأتكنز دايت (دشتي)

سلام عليكم حبيباتي الحوائيات الغاليات ... اتمنى كل وحدة مسوية ريجيم تكون بصحة وعافية ... وكل الحوائيات بعد عشان مايزعلون منا بس بصراحة جهد اهل الريجيم يباله تشجيييييييع كبير بالذااااات لان انا وحدة منهم :42:

عزيزاتي انا بديت بريجيم الأتكنز ولان عملت كثيييير بحث عليه بالنت وبعد قريت كثير تجارب من الي جربوه حسيت كم ملاحظة ضروري إني اذكرها للي يتبعون هالنظام خاصة اني شفت كثييييييير شكاوي مثل : يابنات وزني ثابت مانزل ... يابنات وزني زاد ما قل :( والسبب اخطاء بسيطة ماننتبه عليه ونفكر انها شي بسيط

نبدأ باهم نقطة
اولا : لاتنسون حبوب الفيتامينات المنوعة الي اهم شي تتأكدين انها بدون سكريات وبدون كاربوهايدرات تقرين هالمعلومات بالعلبة او تسألين الصيدلاني احسن وبعد لو ذكرتي له انك متبعة ريجيم اتكنز بيفهم لان هالريجيم مشهور


ثاني نقطة وهي من اكبر اسباب فشل النظام عند البعض رغم الجوع والتعب :

كلمة ( كلت منه بس شوي) :angry2::024:

يعني تمشي عالريجيم وتاكللها لقمة وحدة من الكيك .. او حبة عنب او مسحة طحينية !!! او المصيبة الي قريبتها وحدة تاكل زبدة فول سوداني ومستغربة ليش ماتنزل :eek: !!!!!!!
هذا الاسلوب يزيد الوزن ويضر الجسم اكثر مما يفيده ...... طيب ليش ؟

لان النظام فكرته انك تخلصينه نهائيا من الكاربوهايدرات ومسموحلج بس 20 غرام كاربوهايدرات باليوم والسبب انه هالكمية بتحرقيها بحركتج اليومية يعني اذا خربطتي وزدتي شوية لازم تسوين رياضة اكثر عشان يحرق الكاربوهايدرات ثم يبدا حرق الدهون الي بجسمك

الجسم ذكي لما يحس نفسه محروم من الكاربوهايدرات خلاص يسلم للامر الواقع ويبدا بحرق الدهون والشحون بالجسم بس لما يدخل الجسم مقدار ملعقة كيك مثلا يمسكها بايده وسنانه ويبدا يحولها دهون ويستخدمها هي وحدها في انتاج الطاقة للجسم فهمتو علي ... يعني كأنه يصير بخير يبدا يمسك الكاربوهايدرات ومايحرق الدهون

فموضوع اني اذوق الاكل "الممنوع عني" بخربلي كل الريجيم واحتاج يومين او اقل شوية على ماارجع للكيتوسس الي هو وضعية حرق الشحون والتخلص من الكاربز (كاربوهايدرات)


النقطة الثالثة والمهم ايضا :

صحيح اني مسموحلي اني اكل الكمية الي ابغيها من اللحوم لكن للي حابة تنزل بشكل اسرع تقلل من كل شي وتدمج نظام الاتكنز مع السعرات مثلا للي تباه قاسي وتنزل بسسسسسسرعة يكون مثلا من 500 الى 800 كالويري مع الرياضة بتنزلين طلقة
بس اذا تبينه وسط 1200 معقول

ولاتزيديه عن 1600 الى 1800 لان نزولج بيكون بطيء كثير حتى لو التزمتي بس لانك بتطلبين من الجسم يحرق اكلك بعديييييييين يحرق شحون جسمك ... اوضحها اكثر

مثلا مثلا اذا جسمك يحرق باليوم 3500 سعرة حرارية كمثال انا اقول مش بالضبط
وانتي اكلتي اليوم مقدار 1500 سعرة
جسمك بيحرق اكلك اول1500 وبعديييييييييين ياخذ من شحومك المقدار الي يحرق ال 2000 سعرة
الباقية

فانتي اذا اكلتي اقل بيحرق من دهونك اكثر واذا اكلتي اكثر بيحرق من دهون جسمك اقل وصلت الفكرة ؟؟؟ كيف ترد <<<<<<<< متأثرة بالاتجاه المعاكس :42:


اخر نصيحة هي الرياضة :7_5_131::7_5_131::7_5_127::7_5_127:
الرياااااااااااااااااااضة اههههههم شي باي ريجيم صدقيني عن تجربة لو اهملتي الرياضة اول شي مابتنزلين بالسرعة الي تبينها ثاني شي جلدك بيترهل واهم شي وللاسف الصدر يصير جلدة :(

صدقيني عن تجربة الوزن الي ينزل مع الرياضة مايرجع الا بصعووووبة وبعد فترة طويلة والي ينزل بدون رياضة يرجع باسرع مما تتخيلين فكوني حذرة

حاولت اوصللكم الفكرة من الريجيم والي فهمته يمكن مصطلحاتي تخوني او موب بالدقة العلمية المطلوبة لكن وصلت الي اقدر عليه ..


اتمنى اتكونون استفدتو من هالنقاط ومااكون طولت عليكم

اختكم ام ليث ومارية