عدت اليكم..حفلات النجاح..ادخلي فيدي واستفيدي..صور..استفسارات..افكا ر

وبنحط عليها فازات ونملاها حلويات ملونةومصاصات اللي تجي كبييييرة وملونة حتى تعطي شكل جمالي ونرصها بشكل حلو ومرتب








وبنحط كمان فواكه مقطعة بأشكال حلوة ونرتبها في سلال وبعضها نغرسها في أعواد شوي خشب وبنغرس بعد في الأعواد مارشملو(خدود البنات)ونحط جنبهم نافورة شوكولاته او فوندو بحيث ان الوحدة تاخذ لها بالعود فاكهة او مارشملو وتغمسه في الشوكولاته وتاكله باعافية على قلبها





ثالثا/نفرش سفرة طويلة للأطفال ونرتب عليها الصحون والكاسات والملاعق و..و.. الورقية ونجلسهم عليها ونوزع عليهم من القاتوه




رابعا/بنبدا في المسابقات_طبعا الكل يشارك فيها كباروصغار_(اذا تبون المسابقات قولوا لي)

خامسا/بحط الأطفال من عمر 3سنوات وتحت على جنب وأعطيهم دفاتر تلوين والوان علشان ينشغلون فيها ولا يزعجونا<<على اني متوقعة ان هالفكرة ماراح تنجح بيجلسون دقايق بعدين بيبدون هجووووووووم علينا

سادسا/نوزع التوزيعات على الأطفال والأمهات وهي عبارة عن علب فيها قصاصات ورقية وشوكولاتات
سابعا/الحين جاء دور المسيرة أو الزفة للناجحين<<سموها اللي تبون

وهذي صورة تقريبية للمسيرة بس هاه لا تقزقزون خواتي ولا تنشرون صورهم..يحليلهم متشققين من الفرحة



بسوي عرض لهم يكون فيه صورهم(طبعا صور اطفال فقط اما الكبار فلا وألف لا)وتكون الخلفية أنشودة تناسب المسيرة وأعرضها على البروجيكتر
ونخليهم يمشون على الأنشودة وبعدين ننادي كل وحدة بإسمها ونعطيها الهدية







وفي نفس هالوقت نخلي وحدة توزع على الأمهات ورود طبيعية<<وش رايكم أوحد لونها ولا أخليها ملونة وكل وحدة تاخذ اللي تبي؟؟




ثامنا/يجي دور العشاء اللي هو عبارة عن(كل وحدة تجيب معها طبق خفيف ونفدر نوزعه مثل:ساندويشات او بيتزا او توست او جيب التاجر وعصيرات والله يديم النعمة علينا ولا يغيرها يااااارب)



وودي بعد العشاء بآيس كريمات تجي كور في صحون يعني زي باسكن روبنز وكون زون بس تكون ارخص منهم لأنهم غالين والميزانية ماتسمح





تاسعا/بما إن الأمهات مالهم الا ورود فأفكر اني اشتري هدية وحدة حلوة واللي تكسب هالهدية وحدة من الامهات فقط..كييييف؟مثلا اطرح سؤال واللي يحله الأول له الهدية,,او اقول لهم موقف واقول لو صار لك هالموقف كيف بتتصرفين؟؟واللي يعجبني تصرفها تاخذ الهدية..او..اللي عندها فكرة تساااعدني فيها لأني بجد محتاااارة في هالنقطة
عاشرا/طبعا بيكون طول الوقت الأناشيد شغالة بصوت خفيف حتى تعطي جو الفرحة بالنجاح(اذا تبونها نزلتها)
ويابنات اللي تعرف تسحب الايقاع من الأناشيد ترسلي ع الخاص الله يكتب اجرها

ملاحظة/ودي اوضح لكم بعض الشغلات
*ترى الأمهات هم أخواتي وأقصد بهم اللي متخرجين ومايدرسون وأعمارهم مابين20 الى35 وأمي الله يحفظها ويطول بعمرها
*الى الآن ما ادري وش اهدي الطالبات اللي بعمر سادس والمتوسط والثانوي<<تكفووون شوروا علي ميزانيتي في الهديةالوحدة70
ريال لا تقولون ابو ريالين ملينا نهدي منه كل سنة ولا تقولون شوفي وش يبون لأنهم كلهم يبون آي بود وآي باد ومعصي ماشريته لنفسي علشان اشتريه لهم
والله اللي بتساعدني في الهدايا بدعيلها من قلبي
اتمنى اني ما أطلت عليكم بس يابنااااات تكفون اللي عندها افكار تنورنا بها واللي عندها استفسار تطرحه هنا خلونا نساعد بعضنا ونفيد ونستفيد ونكسب الأجر من الله بدعوات اللي ساعدناهم واستفادوا منا
واخيرا لا تنسوني من الدعاء لأني بجد تعبت في جمع الأفكار وكتابة الموضوع وتنزيل السور وياليت أشوف تفاعل ينسيني التعب







يالله بنات ابي اشوف دعواتكم وتفاعلكم

يعطيك العافيه

الله يعطيك العافيه
جاري لطش الافكار

الله يعطيك العافيه
بنسبه الهدايا أشتري لهم كتب قصص أوصنادق الأكسيسوارات
أوعطر أو أكسسوارات لتسريحه أو مجموعة شوكلاتات
لوسمحتي أبي أناشيد لتخرج ونجاح