عدت بعد انقطاع سنتين مع أخبار جميله << قديم

السلام عليكم ورحمة الله وبركاته

أتمنا الكل بخير يارب .. ويعطي كل أنسانه ما تتمنى يارب ..
ابتدي موظوعي بالصلاة و السلام على أشرف المرسلين .. و ان يرحم أموات المسلمين
ويشفي مرضاهم .. و يرزق كل أنسان محروم .. يارب يقر أعين كل مسلم أراد الولد ..


ترااا راعية طويله ولا أحب سوالف الموضوع اجزاء يعني موضوع واحد و طويل

الي وراها شغل الله لا يهينها تجي على فضوتها :cool:
والي فاضيه كوب شاهي ولا حليب زنجبيل مع البرد :bkh:

أول شي أذكركم فيني قليلا انا معكم بالمنتدى عضويتي من اربع او خمس سنوات ما اّذكر
كان المعرف حقي ^جوان^

وجودي بقسم تأخر الحمل او حلقات القران
كنت أتأثر جدا بالمواضيع الي تنكتب و اصيح و أضحك و أفرح حسب نفسية أختي كاتبة الموضوع
قريت مواضيع لبنتين بدون ذكر أسماء بنات عملو أطفال أنابيب و تم الحمل وحصل أجهاض الله يعوضهم خير

عيشونا الفرح و الحزن و الهم بنفس اللحضه
ولكن جابو لي الأحباط لانا القسم كان يعني لي الكثير وكنت اتفائل من تباشير الحمل
و اكتئب بالاجهاض او نزول الدوره مشاركة وجدانيه فضيعه و أعتقد الكل مثلي

علشان صدق أني طولت لكن جايبة لكم الغنايم :icon30:


أختصار أعلمكم مين أنا

متزوجه من سبع سنوات حاولت بما اوتيت من قوة للحمل ولم يحصل الحمدلله على كل حال
كلوميد منشطات قونال اف تطورت لتلقيح الصناعي الى أطفال أنابيب
ولا حياة لمن تنادي

مرات اكون قوية ولله الحمد , ومرات اعوذ بالله من ابليس أضعف ونفسيتي تنهار

من كثر العلاجات و الأدويه وزني زاد بشكل مرعب من 57 الى 92 صرت بالونه متحركه
ورحمي تعب جدا وصار معي نزيف لمده سبع شهور

من ما زاد الامر سوء و تعقيد لكن كنت صابره و حامده لرب العالمين
سوو لي تنظيف رحم زي حق الأجهاض والنزيف مستمر
قررت لي الدكتوره تنظيف ثاني لكن نفسي ما طمئنت حولت اوراقي لمستشفى الولادة و الأطفال
هناك دكتوره فلسطينيه انجنت قال رحمك تعبان و الاوعيه الدمويه مكشوفه بحاول معك محاوله
و احتمال لو ما تحسن نستأصل الرحم ..
وقتها قلت أنا لله وانا له راجعون .. حاولت اكون قوية بالأيمان .. بس عجزت ..
كنت أمشي بالمستشفى ودموعي تنزل التوازن عندي مختل .. امشي مراا يمين و مرا شمال شوي و بطيح

ركبت مع السواق وانا منهار اصيح .. اطلب الطلاق من زوجي .. اقوله يتزوج علي
وش السواة ..

طبعا الدكتوره اعطتني ادويه و طلبت مني في حال الجماع زوجي يستخدم الواقي .. مو منع حمل بالتاكيد
ولكن الرحم ما يتحمل ابسط شي حتى لو كان طبيعي ..

نزلت بيت اهلي مارجعت بيتي .. وانا مهمومه وساكته .. الوالد حس فيني لكن ما يدري وش الموضوع
تكلمت معه .. وقال أذكري الله ولي ربي كاتبه بتشوفينه ..
انسب الحمل و العيال .. وفكري بأمور ثانيه .. قال اوقفي بالمرايه و شوفي نفسك منتي بنتي الي اعرفها
قدامي برميل مهمل نفسه .. سمنتي عادي لكن اهتمي بشكلك و شعرك ولبسك ..
ناضرت المرايا .. حصلت وحده اكبر مني باربعين سنه مو انا ..

قلت خليني انتبه لنفسي من جد ما اجيب عيال و بعدمقابلي يسد نفس ..
استخرت وقررت اسوي عملية تحوير علشان السمنه .. و الحمدلله سويتها .. حذرني الدكتور ان ما احمل لمدة سنه كأقل تقدير ..

بعد العمليه بأربع شهور الوالد اعطاني هديه تذاكر سفر وسكن لي و لزوجي .. الحمدلله كانت سفره اكثر
من رائعه وفعلا تجددت نفسيتي ..

أهتميت بعملي بشكل ما تتصورنه ابي انجح و ابرع في مجالات ثانيه مابي احس اني مالي قيمه بأي مجال

بعد سبع شهور من العمليه صرت انسانه ثانيه و لله الحمد

انسانه رشيقه مهتمه بشكلها
ناجحه بعملي و حصلت لي ترقيه ما كنت اتخيلها ابد
صاحبة دوره منتظمه و الحمدلله وهذا الي كنت افقده


لكن قبل كم شهر قبل موعد دورتي حسيت اني حامل .. قلت من جدك يا ندى انتي وين و الحمل وين
لا تظحكين الناس عليك .. لكن كان احساس حقيقي مو مثل كل مره ..
مو مثل الوهم الي يجي مع العلاج .. تناسيت الموضوع .. اصلا باقي كثير على دورتي ..

حاولت اشيل الفكره نهائيا من مخي لاني قررت اعيش بدون التفكير بالحمل او الأطفال حالتي ميؤوس منها
وما يقنط من روح الله الى القوم الكافرون .. بعدها طلعنا دبي انا و البنات و كانت أختي حامل الله يتمم لها ..
وانا أشيل الشنط عنها و أسحب .. واتمشا بالمجمعات وانا لابسه الكعب و عايشه حياتي طول بعرض ..

ورجعت من دبي .. هنا جلست اقول يا ندى وحده من الثنتين يا أنك حامل .. وهذي بعيده أستغفرك يارب العالمين
أو لا حول ولا قوة الى بالله انقطعت الدوره من مشاكل رحمي ..

بديت اوسوس

وش تتقعون بالله ؟؟

وشووو


اي اي صح بس خلوني اكمل السالفه :icon30:


وانا راجعه من الدوام مريت الصيديليه اخذت اغراض و تحليل حمل .. رجعت البيت زوجي واصل قبلي
قلت يلا خل الشغالة تحط الغدا اغير ملابسي و اجي لك ..

دخلت الحمام تكرمون اسوي التحليل وانا مبعده من جد .. لكن الصدمة الحقيقية

طلع لي خطين غامقين واضحين مع انو لاوقت المغرب ؟؟

ولله كنت بسجد سجود الشكر وانا بالحمام لكن ربي اعلم بحالي .. طلعت لباب الحمام وانا بالمنشفه بس
وااسجد لربي .. دموعي على البلاط .. واحس بروده بكل جسمي و ارتجف ..

معقوله .. لا لا من جد ياربي .. صدق ولا أنا أحلم .. معقوله ما اخذت منشط ولا شي ..
رحمي ميئوس منه يبون يستئصلونه وانا طنشت ومارجعت لهم ..

ما سويت شي ولله .. بس كنت برمضان ادعي لي و ادعي لكل محرومه اعرفها او ما اعرفها لاني اثق بيجيني
ملك ويقولي لكي بالمثل ..

كنت اسجد لرب العالمين و اقول ربي لا تذرني فردا و انت خير الوارثين ..
كنت أقول ربي قر عيني وملئ حضني و ربط على فؤادي بولد صالح ..
كنت اقول ياربي انا على يقين انك راح ترزقني لكن لا اعلم عن تقديرك .. عجل بهذا اليوم يارب العالمين ..
حتى وهم قايلين انو رحمي ميئوس منه كنت حاسه و متاكده ربي ماراح يتركني

الحمدلله ملئ السموات و الأرض
الحمدلله و الشكر يارب على هذا اليوم حمدا يليق بجلالك و قدرتك ..

شوي ابليس ما تركني الحالي .. حب ينكد شوي ..:07:
صارد يقول ندوي حبيبتي لا تفرحين انتي عندك رحم ولا بالون فاضي .. التحليل خربان لا تطيرين بالعجه
شوي وانا ارد على شيطاني هااا من جد .. لا بس كيف ..

قررت ما اتكلم ولا اعلم امي ولا اختي ولا زوجي والبس عباتي و اطلع .. للمستشفى طبعا ..
دقيت على زوجي قلت اسفه امي تعبانه ونخرشت و طلعت بسرعه .. كذبة بيضا يارب اغفر لنا ..

ورحت المستشفى طلبت تحليل .. اول مرا وكأنا الثانيه أصبحت سنوات .. و الدقيقه أمتدت دهرا ..
مابالك يا ساعتي أبطئت حركتك ؟؟ هل أكهلك الزمان و أعياك كما أعياني ..

معليش أسلي وقتي أكتب خواطر في تويتر وانا بالانتضار العشرين دقيقه مرا كانت طويله ..
اذن العشا .. دخلت اوضي بالحمام اصلي .. وانا بالحمام نادوني كملت وضوء وطلعت ..

ودي امشي وما ودي .. شوي تقولي مدام ندى .. انا نعم

قالت مبروووووووووك حامل .. وقتها طبعا تقولين هذي عندها سبع عيال و مو مهتمه ولا تعبير ..
لكن من قوة الصدمه طبعا ..الحمدلله و الشكر يارب العالمين

اول من دقيت عليها الوالده وماله داعي اقولكم ردة الفعل الحمدلله يارب الله لا تضيع تعبنا ولا تكسر خاطرنا
و ابوي و اخواني و اختي الحمدلله ردات الفعل كلها دراما زايده ..

بقا زوجي و رفيق دربي ما علمته طبعا ابيها وجها لوجه ..

دخلت على الدكتوره سوت لي سونار شفنا الجنين حامل لي ست اسابيع .. من زود
ما انا مبعده الحمل شوفو متى رحت افحص ..

الحمدلله و الشكر يارب العالمين ..

طبعا ادويه مثبته و ابر و تحاميل لكن الحمدلله و الشكر عسل على قلبي ..

ولله اول ما دريت بالحمل ما طرالي الى انتوو رفيقات دربي قلت لازم أبشركم
و ادري انكم بتفرحون من قلبكم اذا مو كم وحده منكم عيونها تدمع هالحين .. مجربه كنت اقرا
هالمواضيع و اتاثر ..

و الحمدلله حملي سليم و تمام و انا الان بنص الشهر الثالث ..
وعقبال ما اكملها لتاسع بمتمه .. ويرزقني ربي الطفل حسن الخلقه و الأخلاق ..

وصدقوني ماراح انساكم بدعوه صادقه ..

بنات أخواتي حبيباتي لازم تعرفون الهدف من كتابتي الموضوع ..

طبعا فرحانه و أبي أفرحكم ..

لكن الأهم من هذا ..

الطب يقول .. ومفسر الأحلام يقول .. و الشيخ يقول .. و احساسي يقول ..

ولكن رب العالمين امره مابين الكاف و النون انما هي كن فيكون ..

حبيباتي النفسيه و التفكير الزايد له دور .. ادري الموضوع مو بيدكم اكثر وحده كنت اعاني منه
وما شلت التفكير من مخي الى لما عرفت انو مافيه امل .. لكن نصيحه ممكن تكونون اقوى و احسن مني ..

ويشهد ربي ما كتبت الموضوع الى علشان أعطيكم الأمل و أفرح قلوبكم .. لأني على يقين كثير مثلي
تتأثر نفسياتهم مع أخواتهم و يشاركونهم وجدانيا ..


ويا كثر ما أحكي صح :icon29:


ابي منكم دعوات طيبه بالتمام و الصحه و العافيه ..

ولله يفرح قلبي و قلوبكم و كل المسلمين ..