عدت لكن خواتي وعندي اخبار حلوه عقبال كل الخوات يارب

السلام عليكم ورحمة الله وبركاته :)
كيف الحال انشاء الله بخير
غبت صار لي تقريبا اكثر من ثلاث شهور مادري نكرتوني والا لا او لاحضتو عدم تواجدي <<<< واثقه انها مهمه :D

المهم ابشركن خواتي انتقلت لبيتي المستقل وافتكيت من الحنه والرنه مع عمتي ام زوجي الله يسامحها وتصورو انها حتى ماقالت لي مع السلامه لا هي ولا عيالها كلهم بنات واولاد ولا حتى حد ساعدني في شيل اغراضي !!! :(

ولين اللحين محد منهم زارني ولا حتى اتصل فيني :16:

بس كل هذا مايهمني المهم اني افتكيت منها ومن مشاكلها اللي مالها اصل ولا لها معنى الا انها تبغي تنكد علي عيشتي وسعادتي مع زوجي

والله يا بنات احس نفسيتي حتى غير وعيالي تغيرو وزوجي اهم شي صار متعود على البيت وكله يقولي صج احس ان الواحد يستقل في بيت بروحه لا مشاكل ولا عوار راس ومبسووووووووووط لاخر درجه :icon28:

تصدقون حتى خداماتي تغيرن وصارن مب مثل اول كل وحده تعودت على اللي اطلبه منها وتنفذ كلامي بالحرف الواحد ومستانسات على البيت لانه صغي روملموم ومافي شغل وايد غساله تماتيك وشوايه تماتيك وكل يومين نطلع نتعشى برا ونتمشى

والله يابنات خايفه احسد نفسي على الهنا اللي انا فيه واتمنى من كل قلبي ان الله يرزق كل وحده من خواتي في المنتدى ببيت بروحها ويسعدها هي وزوجها وعيالها :39:

بس في شي زوجي مع انه يعرف اني مب مقصره ومب غلطانه بحق امه الا انه يصر اني اعزمها واتقرب منها مع اني رحت لها كذا مره والله الاستقبال كان زفت وهو يدري بس بعده مصر اني اروح واعزمها طيب كيف اعزمها وهي ماتتصل فيني ولا انا ابغي اتصل فيها ولا تعطيني ريق حلو ؟؟؟؟؟؟؟ :(

محتاره ومابغي اي مشكله تعكر السعاده اللي بيني وبين زوجي وابي منكم المشوره شسوي اعزمها واتصل فيها والا اخليها لين تصير مناسبه وهي تجي بروحها ؟؟؟؟؟؟؟؟