عدت لكن وكلي شووق ...حاملة معي ...طفلتي ... اللهم لك الحمد والشكر ...:)
مررت بتجربة ... ذكراها لاتنسى ...احمد ربي..به ... الانسان مهما عمل يكوون ضعيف ..
قبل دخولي للمستشفى ..كنت قلقله لابعد حد لاني اقتربت من ساعة الولاة والحسم ..
رغم اني طوال الاشهر كنت مرتاحة ..
في حملي بنتتي البكر..شادن .. كانت سهله ويسيره .. لكن لمن كملت 41اسبوع ... ضغطي ارتفع كثير ..بشكل مو طبيعي.
والراس مانزل بالحوض..ولا في طلق ... وخافوا علي وعلى البيبي ...وعطوني ابرة الظهر مع ادوية ... اثرت فيني..
ودخلت بغيبوبه..يوم كامل ..الموقف هذا اثر فيني...
ولمن حملت ببنتي الثانية,... الحمدلله ...حملي من بدايته نعب ولمن دخلت الاسبوع الاول من التاسع .. تعبت وضغطي ارتفع بس بعد ين رجع طبيعي ... رغم اني طوال فترة الحمل ما اعاني من الضغط بس بالولادة ..
الدكتورة .. شافتني باخر موعد وحددت لي موعد في الاسبوع 38.. عشان ظغطي مايرتفع والبيبي مانزل بالحوض..
ووزن البيبي ..كبير وانا لسة ببداية التاسع ...وقالت انا خايفة عليك ... قلت لها مو كثر الخووف اللي فيني...استخرت وتوكلت على ربي .. والحمد لله كنت مطمئنه كثير ...الدعاء والاذكار والقران طوال فترة حملي مافارقتني ..
حددت لي موعد دخول المستشفى يوم الاثنين ..4/5/2009
والعملية يوم الثلاثاء...
انا اتفقت مع زووجي انم احد يدري بالموضوع ادخل المستشفى بدون علم احد..
يوم الاثنين جاء زوجي خذني من بيت اهلي .. الساعه 8 العشاء وقلت لامي بطلع اتعشى مع زوجي وبنتي
استغربت من جيت زوجي لانه يشتغل بمنطقة ثانية قلت لها عنده شغل هنا .. وطلعت ... وتعشينا بعدين رحت المستشفى وبنتي مبسوطه لان اخير بتشوف البيبي...
جاتني الممرضة .. وقاست الضغط وسووت لي التخطيط وكل شي الحمد لله وقالت لي بكرة الصباح سووي ترويشه بعدين تخطيط... بعدين يرووح عملية .. قلت ان شاء الله عمتي ..
طوال الوقت زوجي وبنتي معي ..بنتي نامت وطلع زوجي ... لمن اطلعوا قلبي عورني ما احب هاللحظات ....
صليت ودعيت ربي ان يسهل علي ويرجعني سالمة...
صحيت الصباح واصلاانا مانمت ...جاء زوجي ... ورحنا على طول غرفة العمليات ,,, اكره مكان بحياتي ...
الكل فية مشغول بشغلة رايحين وجايين ...
المستشفى ....المانع بالخبر
الدكتورة اللي اجرت لي العملية ,,,, ميرفت ..
دكتور التخدير... الاستشاري خالد .. ورئيس قسم التخدير بالمستشفى الدكتورة طالبته بالاسم بعد التجربة السابقة اللي مريت فيها ...
رئيسة التمريض ... ميساء ... معاي على طول وكانت رائعة والطاقم رائع ...ومريح الطاقم كله معك .. يريحونك كثير ..صوت القران مالي الغرفة عشان تحس بارتياح اكثر..
نوع التخدير....نصفي مريح للغاية ,,, والدكتور كانت يده خفيفة ومريحة ...ويطمئنك على طول ولاحسيت بشي .. الالمن ثقلت رجلي .. وعاى طول رئيسة التمريض مددتني وحطت لي قسطرة البول ..وانتو بكرامة .. ...
ادخلت ..د/ميرفت ... وكانت تضحك وتسولف معي سالته وين زوجي ..الاجاني صوته ..انا معاكي ضحكت علة الاخ صارت مصري .. يواكب الطاقم ... دخل علي بعد ما لبس وعقموه.. كان فوق راسي ,,ويداه على مافارقني يقرى ويسمي علي..بدت العملية وكل شي اوكية ..ولحظة ماقترب خرووج بطني قالت لي الدكتورة استحملي عنظغط على بطنك ضغطت حسيت بالم شووي بطني ... وسمعت احلى صوت صوت بنتي ...(لانـــــا)
ادمعت عيني وعين زوجي.. بعدها طالعوا زوجي وجاء وقت الخياطة وانتهت ,,, وعلى طول غرفة الافاقة ...
اموري كانت طيبية.. الابرة مريحة لابعد حد ماحسيت فية وسالت الاستشاري عن الاثار قال ممكن صداع .. وممكن الم بالظهر .. بس ولله الحمد ماحسيت بشي من هذا ...
انا الان ببيتي .. حولي اهلي وزوجي وبنتي ... ولله الحمد مرحلة وعدت بيسر وسهوله ...
الانسان فقط علية بالدعاء ...وان شاء الله ربي ييسر...
بالنسبة للمستشفى كان مريح .,.. ونظيف اخذت سوويت ,,, vip
الممرضات متعاونات ,,, ريحوني كثير ... يساعدونك بكل شي ..النظافة للغرفة على طوال يجوون ينظفون الارضية
ودورة المياة وانتوا بكرامة ...الشراشف ..
واخير اسفة على الاطالة بس حبيت انقل التجربة للاستفادة ...وخاصة الابرة ...
وحبيت ا وضح ان التسهيل والتيسير من ربي العالمين ..اما المستشفى سبب ..
وهذي صور زينة المستشفى ...ان شاء الله تعجبكم:)
....
ممم بصراحة الاسم هو اللي جابني لصفحتك
لانا ,,,, الحرير الطبيعي معناه
هذا الاسم اللي ازعجت زوجي اقوله ابغى اسميه
الله يخليها لك وعقبال تشوفينها عروووووووووووسه