عدت من بلاد الاتراك للتو. . . وهذه انطباعاتي

السلام عليكم
كيف حالكم ياحلوات
انا لي كم يوووم. من يوم جيت من تركيا
كانت رحله مووووووووفقه ورائعه. اه اه بس ببكي. ليتني لسه هناك
قضيت 13يوم في تركيا كانت كالتالي
اربعه. اسطنبول. . ليلتين ابانت. . . ثلاثه بورصه. . . ثم باقي لايام رجعنا اسطنبول

اه يابنات كل شي يجننن بتركيا تشعرين انك في اوروبا الحقيقه ياعيني على اسطنبول وزحمتها وكوفيهاتها وكل كل شي فيها يهبل ويأسر
عموما تركيا بشكل عام بلد سياحي من الدرجه الاولى تفاجأت بكمية السعوديين هناك شي مو طبيعي كل تركيا عبايه سوداء. . . . اسطنبول مدينه تعيش بها ضجة وصخب ياخذك لابعد حدود الجمال. . . اما ابانت حدث ولا حرج فهي جنة الله في ارضه هادئه جدا وبعيده عن صخب المدينه انصح وبشده كل من يذهب تركيا ان يكون في جدوله زيارة لأبانت لان اللي مايروحها راح يخسر جزء كبير من المتعه
بورصه. عاديه جدا في نطري وتمنيت انا جلسنا فيها ليله فقط لان ليس هناك مايميزها سوى التلفريك وهو بنظري مايستحق انك تسافر عشانه. تحس فيها بملل يعني. يوم واحد فيها يكفي وبقوووة. او لو رجعت مره ثانيه راح اسوي عليها اكس
ملاحظاتي . . . . . . ان تركيا جدا جدا جميله وماشفت فيها زود الغلا اللي تكلموا عنه الناس سوى التاكسي. . .اما الاكل عادي مافيه غلا زايد
الشعب التركي شعب فيه جلافه وشده عشان كذا تجنبوا الاحتكاك فيهم بكثره تمشوا وانبسطوا وسيبوكم منهم لان اخلاقهم ماهي واجده هم كذا طبيعتهم. واذا كان عندك اطفال انتبهي يصيحون قدامهم لان بتشوفين شياطينهم مايحبون الازعاج ابد خصووصا بالمطار ات. . . .
التنقل بالاترام فيه نوع من الصعوبه خصوصا اللي عندهم اطفال عشان كذا افضل التاكسي بيكون بنفس السعر
نقطه اخيره مهمه جدا. اللي بتروح تركيا ومعاها اطفال لاتنسين المضادات وخافض الحراره لان والله يابنات بمجرد وصولي ولدي تعب ووصلت حراراته اربعين وديته المستشفى والله وانا ابكي خايفه عليه ومانعرف احد هناك. كانت الكشف باربعمية ريال تخيلوا بس الحمدلله اعطاه مضاد لان كان معاه التهاب شديد بحلقه من تغير الجوو
هذه ابرز ملاحظاتي وان شاءالله رح انزل تقرير بس انتظروني
اللهم صل وسلم على سيدنا ونبينا محمد