عدل ولا مو عدل

السلام عليكم

كيف حالكم يا بنات حواء

انا اليوم عندي خبر (شىء سويته) واب اعرف رايكم .......... هل اللي سويته عدل لو مو عدل
ابي اعرف كم وحدة تشجعني :icon28: وكم وحدة تقول اللي سويته خطأ:angry2:

باقول لكم القصة من البداية

هو في احد ليالي رمضان واحنا في شقتنا (انا:angry: وزوجي :arb: وابنتي :26:عمرها سنة واربع شهور ربي يحفظها)

قال لي زوجي شو رايك تتركي الشغل وتجلسي بالبيت علشان البنت (انا مدرسة بمدرسة اعدادية وصار لي تقريبا سنة وانا اشتغل)

في البداية ما وافقت وقلت هذا ما يصير ما قد فكرت اني باترك الشغل

بعدين قال لي (ربي يحفظه ويخليه) ليش اتتعبين حالك وانا قادر اتحمل مسؤليتك ومسؤلية البنت وان شاء الله اذا جبنا غيرها المعاش كمان يزيد مع السنين وامهاتنا ربونا وهم في البيت وما نقصنا شىء وليش نجري ورا الماديات وننسى النعمة اللي بين ايدينا (الاطفال) ولازم نعطيهم التربية الزينة ونهتم فيهم (انا ما عندي خدامة انا كنت اترك بنتي عند امي وهي عندها خدامة)

المهم قعدت افكر ......... وقلت ان كلامه منطقي ، مادام يوفر لي كل اللي ابغيه ليش اتعب حالي واترك بنتي واراكض من الصبح الى الظهر وبعدين لين رديت من المدرسة يكون شغلي معاي ، .......الخ

قلت استخير رب العالمين ومافي احسن من كذا.

المهم بعد الاستخارة .............. حسيت روحي باطير من الفرح:icon28:
ما نمت الليل من كثر الوناسة

ورحت اليوم الثاني وقدمت اجازة لمدة سنة

ووافقو على الاجازة بعد 3 اسابيع

الحين انا في البيت مع بنتي

يلا قولو لي شو رايكم الليي سويته عدل لو مو عدل