عدم القدره على النوم

خوذي بنادول نايت وانتي تنامين

تساعد؟

كنت مثلك تماما مكان انام الا قليل يمكن ٣ ساعات او ساعتين في اليوم واذا نمت مكأني نمت قلقل وخوف مدري كيف. المهم بعد معاناة سنة واكثر تقريبا. قبل شهر سويت حجامه وصرت اناااام والوقت ال ابغى ونوم مرييييح جدا الحمدلله. قولوا ماشاءالله 🙂 لأن صراحة عااانيت ومحد يعرف ذا الشيء الا ال مجرب. المهم يالغاليه سوي حجامة وانتي مغمضة وبإذن الله ينفع معك مثل ما نفع ني

الارق او صعوبة النوم له اسباب كثير
مثلاً هل تشربين منبهات كثير قهوه شاي غازيات مشروبات طاقه اذا تشربينها خففي منها ولا تشربينها من بعد المغرب
واذا كل كم يوم تلخبطين نومك مابين ليل ونهار فطبيعي ساعة الجسم البيولجيه تتأثر فلازم تلتزمين بمواعيد نوم محدده بشكل يومي
واذا انتي من النوع اللي يكثر التفكير بالهموم والمشاكل وقت النوم غيري هذي العاده لانها تمنعك من النوم
او حركتك قليله يعني محتاجه تخصصين وقت تمشين او تهرولين فيه عشان تساعدين جسمك يجدد الاكسجين ويتخلص من التوتر والقلق
اما الاسباب الثانيه ربما يكون عندك نقص معدن المغنيسيوم
جربي روحي الصيدليه اطلبي حبوب مغنيسيوم استخدمي منه حبه بالليل مثلاً بعد العشاء بساعتين
واكيد لازم اكلك يكون فيه ورقيات خضراء وافوكادو عشان تاخذين حاجتك من البوتاسيوم والمغنيسيوم وماتعتمدين طول عمرك على المكملات
والشي الثاني خذي فيتامين د جرعه يوميه خفيفه قوتها 1000 وحده دوليه حبه بعد الغداء مباشره
وشوفي اذا تحسن نومك
وانتبهي من حبوب المنومات ما انصحك فيها لانها يمكن تسبب لك ضرر او تتعبك لانها للاسف ما تعالج جذور واسباب الارق اللي ممكن تكون نقص معادن وفيتامينات مثل ماوضحت

جزاكم الله خير افدتوني