عدم قبول الاخرين لك مهما سويت

فيه اشخاص في الحياة مالهم قبول عند الاخرين وهذي حقيقة مالها علاقة باخلاقهم ولا دينهم ولا اشكالهم
ممكن يكونون على خلق ودين وفيهم وسامه وجمال بس الاخرين مايفكرون فيهم كاصدقاء

انا من هؤلاء الاشخاص :(
من يومي وانا صداقاتي ماتستمر وغالبا يتم تبديلي باصدقاء ثانين :eek:

عانيت كثير وانا صغيرة في الابتدائي ان محد يبي يصادقني والمتوسط والثانوي وحتى بالجامعه كل اصدقائي يجلسون كم شهر ويقلبون علي ليش ما ادري

رضيت بالي كتبه الله لي وقلت المحبه من الله يكفي امي وابوي يحبوني :22:

المهم اني تزوجت وانجبت ولله الحمد زوجي يحبني وهذا هو المهم بس اكتشفت من فترة بسيطة اني انسانه اكسر الخاطر :( مالي مجتمع ولا علاقات

علاقاتي مرتبطة بالاشخاص الي تعرفهم خالتي ام زوجي والي تعرفهم امي والي يعرفونهم خواتي

الي خلاني اتضايق واحزن كثير على حالي اني من فترة تعرفت على زوجة صديق زوجي وعزمتها في البيت

جتني مرتين وانا بعد زرتها بالبيت حبوبة واخلاقها حلوة

المره الاخيرة عزمتها عندي وعزمت خالتي وبناتها ودقت صحبة مع بناتها وسحبت علي :(

صارت ماترد على اتصالاتي مع اني ما كلمتها غير مرتين خلال 5 شهور مره عزمتها على قهوة عصرية ومره عزمتها على حفلة مسويتها لبنتي بالابتدائي

وفي نفس الوقت اشوفها تحضر مناسبات خالتي ام زوجي و صداقتها قوووووية جدااا مع بناتها وطلعات مع بعض وتمشيات

انا ماهمتني كثير

بس فيه سؤال يلح علي انا ليش مالي قبول عند الناس :(

يعني دايما احس نفسي مهمشه من الاخرين خصوصا في الجمعات والزواجات احس اني وحيدة ماالقى احد اكلمه احيانا اظطر اجلس مع بزران العائلة اسولف معهم من الطفش بنات ام 15 و16 سنه والي بعمري اذا سولفت معهم مايعطوني وجه

وللمعلومية مو مدح في نفسي لكن انا طيبة وحبوبة وانيقة وشكلي حلو بس الناس ماتستظرفني مهما سويت


الي حزني اكثر بناتي يسئلوني ماما ليش احنا مانروح للناس والناس يجونا وانتي ليش ماعندك صديقات

وش اقولهم بالله ؟؟؟؟

الناس ماتبي امكم ترى والله اني حزينة وضايق صدري

ودي يكون لي صديقات او صديقة وحدة عالاقل ابي يكون لي مجتمع مو مرتبط بمجتمع غيري

الي عندها كلمة طيبة او نصيحة او تمر بنفس معاناتي اتمنى اقرا ردها هنا