ام البراء... :

١طلع الشاي عادي بينشرب بدون سكر ومرمية أو نعنع ومش ضروري نشرب قهوة الصبح مع شكولا وبنقدر نعيش بدون جوال ونت وتأكدنا انو بنفع نطبخ بدون غاز تعلمنا نخلي كاسة مي عشان نتوضئ فيها وتحملنا نتحمم بمي باردة ب شهر 1 وعادي يغيب عنا الشيبس والشكلا وما نشرب كولا اكتر من 5 شهور وطلع عادي ما نركب مواصلات ونمشي ع رجلينا مسافات طويلة أو نركب كارة او توكتوك مسألة الكهربا مش إشي مهم كتير وممكن نتأقلم الشبشب عادي ينمزع وتخيطه وما ترميه باللنسبة للملابس عادي يكون عندك غيارين عادي جدآ وتبدل بينهم والطبيخ بدون لحمة بيتاكل وممكن تكرر التجربة ويكون زاكي والخبز البايت برضوا عادي بيتاكل حتى لو م سخنته او حمصته ع الحطب. عادي جدآ تطلع من الخيمة بالترنق تلفلف في الشوارع او تجتمع لشغل طبيعي ما ترش عطر او تحط جل لأيام طويلة متتالية. الحمد لله ع كل النعم اللي كنا عايشين فيها ومش حاسينها. أشياء كتير كانت غير وصارت غير وغير ... حسبنا الله ونعم الوكيل. #غزة

١طلع الشاي عادي بينشرب بدون سكر ومرمية أو نعنع ومش ضروري نشرب قهوة الصبح مع شكولا وبنقدر نعيش...

نسمة :

قادني فضولي البارحة لأتجول في صفحات غزاوية فيسبوكية، رغم نقل القناوات الإخبارية لتفاصيل الأسى والمعاناة للغزيين، لكني كنت أريد سماع أراء الناس بدون مونتاج فكان فيسبوك خير خيار، ووقعت عيناي على هذا المنشور _الذي نقلته لتذكيرنا بعديد النعم التي لا نستشعرها _ ورغم الحزن والألم قرأت في حروف الغزيين الأمل والصبر والإمتننان للبارئ عز وجل، فكانت جولتي في صفحات الغزيين بمثابة جولة في مدرسة الإيمان وحسن الظن بالله. عزيزتي أم البراء دخلت المنتدى في هذا التوقيت بنية الإطمئنان عنك وعن أهل غزة أجمع ممن هم في شمالها أو في جنوبها، كيف تدبرون شؤونكم؟ هل يوجد سخط من الناس تجاه المقاومة؟ كيف وضع الغزيين في رفح؟ نسأل الله أن يفرج همكم قريبًا وأن يعجل بنصركم يارب✌❤

قادني فضولي البارحة لأتجول في صفحات غزاوية فيسبوكية، رغم نقل القناوات الإخبارية لتفاصيل الأسى...

ام البراء... :

اهلا بكي اختي العزيزة وجزاكي الله خير الجزاء على سؤالك للامانة مهما كتبنا لن اعطيكم الصورة بشكل كامل فالحقيقة المُرة ان الوضع مأساوي جدا ونمر بظروف لم نراها من قبل على سبيل المثل اختك ام البراء قبل الحرب حالنا صفر فما بالك الان لا نجد قوت يومنا لا نجد مياه للشرب كله بصعوبة و الله الحياة ماشية بفضل الله ما سخط سخط ضد المقاومة إنما ضد من يدير شؤون الحياة الان و هي ممثلة بوزارة الاقتصاد فساد و غلاء فاحش ثمن الدقيق وصل ٣٠٠شيكل كيلو السكر وصل ٧٠ شيكل كيلو البصل ٣٥ شيكل كيلو الرز ثلاثين شيكل لتر زيت الطبخ ٢٠ شيكل و هذا ليس بتناولنا معلومة الشيكل يساوي ريال الله يلطف بنا و يخفف عنا يعني بتذكر من الوضع الي بنعيشه قبل سنوات نزلت موضوع مناشدة لأهل الخير ان يتكفلونا و لكن سرعان ما حذفت الادراة الموضوع 🙂 عموما نسألكم الدعاء بظهر الغيب

اهلا بكي اختي العزيزة وجزاكي الله خير الجزاء على سؤالك للامانة مهما كتبنا لن اعطيكم الصورة بشكل...