عدوات الغبار مثلي يدخلون

سلام عليكم
اخبار الحلوات النظيفات
انا ديني ودين الغبار اكرهه عدوي اللدود اذا شفته بأي مكان اكره نفسي
اكره طلعات الكشته لاني ارجع عباتي مغبره وكل شي مغبر
الزبده
الحين حنا لنا 5 شهور والحمدالله أجوائنا صافيه الله يديمه علينا ..السماء صافيه ولا غيوم وأمطار تشرح الصدر ياربي لك الحمد
وبداء الشتاء يودعنا ونستقبل فصل الربيع اللي معروف :( بالتقلبات الجويه والاهم من ذالك عدونا جميعا الغبار والعواصف الرمليه اللي قد تحول نهارنا الى ليل في ثواني وتتغطى البيوت بالتراب الستاير و الحمامات والموكيت والمواعين وكل شي يغبر ويصبح وسخ في دقايق ..
طبعا هو موسمي مثل الامطار تكون في موسم محدد هو موسمه يكون مابين شهر 3 ميلادي و6 ميلادي يعني مابين اخر شهر 5 هجري ال اخر شهر 8 هجري ويتكرر علينا مرتين بالاسبوع بالغالب وبشكل مزعج ..
خصوصا بالسنوات الاخيره صار شي اساسي جدا
انا عني تجيني غلقه وقت العج والغبار ومااحب اطلع من البيت ونفسيتي بخشمي وماارتاح الحد مايصفى الجو ومن يصفى الجو على طول ابدا بالشغل البيت حتى لو كانت 4 الصبح مستحيل انام والبيت مغبر
الحين كيف خططكم التخفيف الغبار داخل البيت
وهل انتم مثلي تجيكم غلقه وتضيق صدوركم ولو عندك موعد في يوم وعجت الغيتيه :31::31::31:
عطونا مواقفكم مع الغبار وهل مره لمعتي البيت ونظفتيه وبخرتيه وغسلتي حوشك ودخلتي ونمتي وصحيتي ولا البيت كله تراااااب والحوش صاير بر صحراء مثل اللي حصل معي هههه