عذااب حب الشبااب عطوووني حل

شدعوة ولا وحدة من ال 15 عطتني حل العشم بالباااااجي

نصيحه روحي الدايسو اشتري صابونة الفحم وشوفي النتيجه بعد 3 ايام شلون الحبه تنوكل ولا تطلع حبوب وانا بشرتي مختلطه

بس عالجبين.. ياحظج...

ماعرف بشو انصحج بس حافظي على غسل ويهج مرتين فاليوم صباحا ومساءا ويفضل بصابون طبي

مثل كلين اند كلير... وطول اليوم رشي على ويهج مااي ورد واايد حلو للنضاره

بنت الكويت العسل حبية قلبي بنت ديرتيالله يعطيييج العافية عاد تصدقين اني شارية صابونة الفحم بس من الياس اللي اصابني بعد استخدام صابونتين امدحوهم لي وما شفت لهم نتايج اللي اهم صابونةالكركم وصابونة البروبوليو مع اني استمريت عليهم اسبوعين لكن ما شفت نتيجة فمن جذيه ما جربت صابونة الفحم بس الحين من كلامج شجعتيني بعد شوي بروح استخدمها حبيبة البي مااا قصرتي


gogitta
عضوة مميزة انشالله اخذ بنصيحتج مشكووورة على مرووورج عزيزة وغالية

سلام..

انا اعاني من حب الشباب نفسج والحمدلله صارلي 4 شهور اعالج وخفت الحبوب وااااااااااااايد ولي الحين مستمره على العلاج ومرتاحه منه وايد..
انا بقولج شنو سويت بالضبط وشنو استعملت مع الصور...

اولا: اشتريت صابون نيتروجينا السائل اللي مكتوب عليه غسول لحب الشباب والصراحه وايد ماشي على بشرتي لانها دهنيه عند الانف مثلج وهالصابون ينشف الويه وهذا اهم شي حق الحبوب..واغسل ويهي من مرتين الى 4 مرات باليوم..(مرتين قبل النوم وبعده كافي)

الصابون نفس اللي بالصوره وهم مكتوب عليه بالعربي (غسول لحب الشباب)

ثانيا: استعمل كريم شمس من نيتروجينا تلقينه بالصيدليه لانه ماكو منه بالجمعيه وانا سألت الصيدلانيه وقالت لي مو اي كريم شمس ينفع مع الحبوب وهذا النوع من نيتروجينا يمشي على البشره اللي فيها حبوب..



ثالثا: بعد اليأس من كل الكريمات قررت اعالج عند دكتور ورحت المستوصف واخذت تحويل حق عياده الجلديه وطلبت منه حبوب اسمها مينوسين وهذي الحبوب اهيه اول علاج حق الحبوب ولازم تستمرين عليها اقل شي 6 شهور عشان تبين النتيجه واذا ما فادت معاج لازم تاخذين الحبوب اللي اقوى منها وانا جربتها وماشالله ماشيه معاي والحين صارلي 4 شهور مداومه عليها وبقولج الصراحه انا الحبوب اللي عندي كانت وااايد وبارزه ولونها احمر والحين الحمدلله راح البروز والاحمرار خف وايد واللي يجيس خدي بدون ما يشوفه يقول مافيه حبوب والحين بقت آثار الحبوب وجم حبه صغيرووونه والدكتور عطاني لوشن واااايد زين وينشف الحبوب وهذي صورته


هذي تجربتي مع حب الشباب وانا انصحج قبل لا تشترين الحبوب او اللوشن من الصيدليه تروحين حق الدكتور يمكن يقولج انه الحبوب اللي عندج ما تحتاج هالعلاج ... وعلى فكره هالحبوب واللوشن موجود بالمستوصف يعني ماله داعي تشترينه ...