بسم الله الرحمن الرحيم
اتوقع استغربتوا من العنوان
انا بنت عمري 17 سنه مابقى الا القليل على 18
ادرس ثاني علمي ومتزوجه للاسف
الفاضيه تقرا قصتي لانها طويله نوعا ما
ويمكن ماتصدقون لانها اشبه بقصص الخيال
قبل سنتين كنا مسافرين انا وابوي وامي واخوي واختي الصغيره > العائله كلها
بالسياره لانا قمنا متاخرين وفاتت علينا الطياره
قدر الله ان يحصلنا حادث مروري قووووووي
ادي الى وفاه افراد العائلة ماعداي انا
(ويالتني مت قبل هذا وكنت نسيا منسيا)
نقلت للمستشفى واسعفوني وترقعدت شهر وشوي لاني عرفت بخبر موت اهلي من عماني عديمي الرحمه علموني وانا بالمستشفى في حاله صعبببببه وانا طالبه بالمرحله المتوسطه انا اغمى علي ماابي اطول بهالنقطه
لما طلعت مرت سنه وانا عايشه عند خوالي يالبى روحهم
احلى عيشه صحيح في الم كبير جواتي واحسن بنقص
بس خوالي قدروا يعوضوني
فجاه بعد فتره بعد اول ثانوي يعني عماني يبوني !!
ليه طيب !!
يبون يزوجوني غصب عني
من واحد عمره 24
اووو ماي قآد
كان عمري 16
لالا متسحيل
بما ان خوالي عائله على قد حالهم مايقدرون يمنعون الـ ........... عماني !!
طبعا انا من عائله كبيره ومعروفه وانتم ماتتخيلون العوائل هذي وش يصير فيها
صار شئ هو مره غريب وعجيب بالقوه دخل راسي
بس مااقدر اقوله لان الناس اللي من طبقتنا(الطبقه المخمليه) بيعرفون مين انا وبنت مين ومن اي عائله بقولكم الشئ باختصار
هو داخل بالفلوس والاملاك وطبعا لان انا مالي والي يحميني صرت الرهينه
بين عائلتنا وعائله الرجال اللي يبون يرموني عليه.. واهل اللي يبون يزوجون اياه
استانسوا لانه كان طايش وكثير السفر يقوولون الزواج بيعقله
الشئ اللي خلاني ابي اتعرف عليه ان ابوه متوفي وماله الا اخته وامه
فحسيت الشئ والوحيد الحلو فيه وممكن يجنبي بعض المشاكل
يعني المشاكل ممكن تكون بيني وبينه بس
بدايه القصه كلها مااقدر اقولها بكتفي باللي قلته واكمل
خلوني ساكته احسن وخلوني ادخل بصلب الموضوع
>> حستوا بفلم او مسلسل صح !
بس يعلم الله اني ماكتبت الموضوع من فراغ من الضيقة اللي فيني
واللي تبين تصدقني تصدق وتسمعني واللي ماتبي تصدق الله معاها
معليش يعني ماابي ردود التجريح
بكيت كثير ماابي
خاصه بعد مادريت ان (علي) مايبني
وعماني واهله يقولون شفها بالاول يمكن تغير رايك
بدون غرور وتكبر انا فعلا جميله
علي رفضضض كثير وانا بس ابكي على حالي بيرموني على واحد مايبيني
وليه زواجي يكون بهالطريقه وانا اللي ياما حملت بزواج الاحلام
يصير كذا بسرعه ومن واحد ماابيه ولا يبيني وانا صغيره وابي اكمل حياتي
كرهت اهل اللي قالوا ان اسمه علي وكرهته ,, من وين طلع لي
وافق علي بس بشرط !! يا ا ا ا ا ا ه يا آنآ انتي صارت الناس تتشرط عليك
وين زمن اول لما كنتي الامره الناهيه
آ آ آ آخ ليت الزمان يعود يوما
<======
وافق علي بس بشرط !!
وقال : سنه واطلقها وان طولت معاها وصرت كريم سنه ونص
عماني : حاظر ابشششر مالك الا اللي تامر عليه
شافني و وااافق
وخوالي مابيدهم حيله لان باشاره من عماني بيودون خوالي بداهيه الدواهي
واصلا عمي هو اللي يعتبر ولي امر
جاء يوم زواجي
يوم اعدامي يوم قتل احلامي وشبابي
يوم عآدي جدا بارد صحيت والخدم يجهزون اغراضي
جتني الكوافيرا جهزتني
لبسوني فستان الزواج اللي كنت اتخيل وانا البسه بكون بقمه السعاده
اما الان فلا
كان عمري 16 مابقى شئ ع 17
كنت ناجحه لثاني علمي
اكره تفاصيل ذاك اليوم
زفوني لبيت (علي)
ماكان فيه زواج بمعني زواج لان اوامر علي بتمشي
والزواج سنه وبالسسسسسر
دخلت بيت علي امه كانت بقمه السعاده
ماتدري ان الزواج مؤقت >> قد سمعتوا فيها قال ايش قال زواج مؤقت
بس تدري انه بالسر
تبون الصراحه كنت خايفه انه يقربني او يمسني
صحيح من حقه بس دامه متزوجني بالسر
وبيطلقني ليييش يدخل علي !
انا لما اتطلق ان شاء الله اني بتزوج غيره الزواج اللي اتمناه
طلعني علي لجناحه معاه وقال للخدم يصعدون شناطي
قال هذيك غرفتك
رحت غرفه لشخص واحد !
شئ يطمن جلس ع التلفزيون غيرت
طلعت يعني اني ابي مويه
كان يحاول يناظرني بدون مااحس
وكاني غريبه مو زوجته !!
بهالوقت دخلت الخدامه ومعاها العشاء
مالقيت اختلاف كبير بين بيت عماني
وبيت علي يعني بيتي الجديد
الوضع بيني انا و زوجي برو و و و و و ود جفآ آ آ آ آ آ آف غر ر ر ر ر ر ر ر به
ولا كاننا متزوجين بس تصدقون اريح
بعد كم يوم
سفرني اسبوع تركيا اسبوع روما اسبوع تايلاند اسبوع باريس
اسبوع دبي
ورجعنا بعدها لارض الوطن (الرياض)
لف معاي العالم !!
مع اني قد رحت لروما و دبي وباريس
بس هالمره حسيتها غير هل لاني متزوجه !
ولا ليه ! اتوقع لاني حسيت ان فيه احد مهتهم فيني
دلعني اخر دلال بس كاني اخته اذا قلتله شئ قال سمي
يكلمني كانه يكلم اخته
نرررررجع للرياض بعد فتره يمكن اسبوعين
علي يبي يروح لبنان ليه صارلنا مايقارب الشهرين متزوجين
سلآمات وين رايح ومخلي عروستك
ابي اتمشي ابي اغير جو خليني يختي >> كلام علي
طبعا انا كنت اقوله انا ماامنعتك عادي
بس وين بتروح وليه
قال لبنان وراح وخلاني
ماهمني عشت حياتي ولما رجع كان مبسوووط بروحته
و زعلان لانه رجع استغرب هالانسان
مره غامض
طبعا علي للحين ماقربني
وكان دايم يعاملني على اني اخته
بس احيانا يذلني يحسسني انه مايحبني
كان يقول مين انتي عشان تساليني وين اروح و وين اجي
ولا بس شفتي نفسك زوجه قمتي تطولين لسانك تراك زوجه بالاسم بسسسس
احترمته كثير صبرت عليه وعلى كلامه وتصرفاته
كنت اقول نهايتها فراق ليه اخربها معاه
خل يذكرني بالخير
كان يفكر كثير يسرح كثير اتمنى اعرف
وش يدون في راس هالرجال
=====
خلونا نسرع الايام مروا شهرين
صارلنا 5 شهور متزوجين او 4
طبعا علي حاول يمسني اكثر من مره
يمكن 4 او 3 مرات بس
انا كنت ابكي و ازعل واعصب
وافهمه ان نهايتها فراق ليه يخرب علي
ولا كان يهمه كان يقول طيب
لاحظت انه يحب يكلم بالجوال كثير
وتمررررر الايام ويبي يسافر
انا : روح مااحد رادك
لو اقولك لا قومت القيامه
علي : اصلا ان اقولك بس اخبرك
مااطلب رايك
وامه مزعجتنا بموضوع الحمل
ياخاله اصلا ولدك ماقربني وشلون تبيني احمل
طبعا امه ماتدري عن شئ وتحسبنا عايشين بحب وسلام
وحنا كل واحد منا بغرفه وكلامنا جدا رسمي
وان طيحنا الميانه تكلمنا زي الاخوان
((تذكرت شئ انا مخبيه الموضوع عن صديقاتي))
سافر علي طول بس رجع
ماتتخيلون كيف فرحت يوم رجع
حسيت ودي اقوم واضمه وابكي واقول لاتروح
لالالالا ياعذبني لايكون حبيتيه
للاسف نعم ماحبيته وبس عشششششقت علي
ماابي فراقه ولا ثانيه احبه ابيه
بدايه الزواج كنت ابي الايام تمر ابي الطلاق
الحين ابي الوقت يتوقف
بالرغم من سوء معاملته معاي الا انه ساعات حنون معاي
ويكفي انه مره بار بامه وطيب وعطوف على اخته
اصحابه يحبونه شخصيته طيبه رائعه فوق الخيال
علي !! اسسسسسطوره لن يكررها الزمان
تهاوشت معاه كثير ابي اعرف اسفاره ليه مكالماته الكثير ليه >> غيره الزوجه طلعت
مره انفجر ضغطت عليه كثير
ثار وقالي انا احب غيرك اجبروني عليك
و انا احب وحده غيرك واحبها بالخير
وانا صادق ابي اتزوجهاا
ومااقدر اتزوج عليك انتي امانه معاي
برجعك زي مااخذتك
انا تعبان منك ماراح اتحمل حرمتين
ولمعلوميتك لا تحسبيني لعاب
انا خاطبها رسمي بس اطلقك
بملك عليها واتزوجها
انا هنا نو كومينت
بكييييييت لا ياعلي
ليه طيب و و و و و و و و و
طلع علي وخلاني
وانا ابكي نمت بالصاله من البكي
رجع الصبح قمت لاني ماكنت نايمه بس غفيت
ناضرته وبكيت بهدو و و و و ء
جلس جنبي واعتذر وانه كان بلحظه غضب
وانه ماراح بجيب طاري حبيبته وانه اسف وبيصير
احسن من اول انا بكييييييييييت والله احبه
نمت وماصحيت الا الظهر قالي
عذوبه قومي حسيت اني احبه بكل مافيني
قمت ودلعني وصار يعاملني برررقه
بس للاسف الايام تمشي وعمري مع علي يقل !
في هالايام الصافيه حاولت اعرف مين هذي اللي تبي تاخذ مكاني
قالي اسمها شذى عمرها 22 لبنانيه
جن جنوووني ابي اشوفها وش ناقصها عني
بس لاني صغيره يعني طيب انا ياعلي
مافيني شئ مافي عيب انا الكل يتمناني
لي عوده لاكمال قصتي مع جنوني { علي
عذبني غلاك @aathbny_ghlak
عضوة جديدة
هذا الموضوع مغلق.
<<ام ريم>>
•
الله يعينك ؟؟؟
يارب يكتب لك الخير وين ماكان بس تكفين طلبه لاتطولين عشان مايهجمون عليك البنات>>>خخخخخ متعقده من قله الصبر ياكافي
الصفحة الأخيرة