السلام عليكم ورحمة الله وبركاته


الله عليكن يالحريم .. شو صار وين ما رووووووح ألقى موضوع عن زواج الريال على زوجته.. ليش شالات هم الموضوع ومنغصات على اعماركن


مب حنا مؤمنات بالقضاء والقدر .. مب حنا عارفات إن الزواج قسمة ونصيب .. مب لما الوحدة تدعي تبا تعرس تقول ربي ارزقني زوجاً صالحاً .. يعني الموضوع موضوع أرزاق ورزق الحرمة بييها ونفس الشيئ الزوج .. وهالشيئ لازم نفهمه عدل لأن فيه اعتراض على القضاء والقدر وقت حصوله وفي الاعتراض سخط .. والمؤمن هو من يرضى بالقضاء والقدر اللي ما يجي على هواه ويحمد الله حتى لو مكان اللي صابه من أكره الأمور على نفسه وهذا من الايمان

الريال إذا تزوج على زوجته .. مب لعيب في الزوجة .. في حالات تكون فيها الزوجة مقصرة .. لكن مب كل الزوجات مقصرات مع الزوج .. والتقصير مب سبب للزواج على الزوجة .. كم وحدة حاطة ريلها في عيونها وتزوج عليها .. وكم وحدة مهملة ريلها ومقصرة وما تزوج عليها

الموضوع موضوع كتبة ربنا .. واحد من أهلنا من عشرين سنه يبا يتزوج وما عنده غير ثلاث بنات أصغرهن الله رزقه إياها بعد ما صار عمر الثانية فوق ال 16 سنة وأحين الصغيرة عمرها 7 سنوات .. وزجته مقصرة معاه وايد .. أهم شيئ عندها تعيش على نمط مادي معين .. الله يهديها ويصلحها .. ومن صغري اسمعهم يقولون وده يتزوج على زوجته ولين يومنا هذا ماتزوج عليها .. ليش يا ترى لأن الله ما كتب له

وغيره بين يوم وليلة تزوجوا مع إن زوجاتهم من أحسن الحريم

الوحدة لازم تتعدل لزوجها وتريحه وتحتويه عاطفياً ونفسياً وفكرياً .. تحتويه من كل النواحي .. لكن علشان ترضي الله في زوجها .. ومع ذلك مايضمن هذا الشيئ إن ما بيتزوج عليها

وفي نفس الوقت إذا واحد تزوج على مرته .. مب شرط كل الرجال يتزوجون .. فليش نهتم بالموضوع .. ليش الوحدة تضيق على عمرها وتحاتي المستقبل .. إدعو الله يحفظ أزواجكم ويسخرهم لكم .. لأنه سبحانه هو اللي يعطي وهو اللي يمنع .. وعيشي كل يوم بيومه من دون ما تنكدين على عمرج بمثل هذا الموضوع

أتضايق لما أشوف إن هذا الموضوع شاغل كثير من الحريم .. لأن فيه مواضيع أهم وأحلى نفكر فيها .. ومحد ضامن عمره فلا تفكرن في المستقبل .. بكره في علم الغيب وربنا قادر يكفينا شره

اميرة قرطبة

رد راااائع:26: :26: :26:

كفيتي ووفيتي

فعلا كل شي قسمه ونصيب

بصراحه كل رد احلى من الثاني ................



وانسوا هالموضوع عااااااااااااااااااد وخلونا نستانس .

كلامك صحيح.. اختي نور القران بارك الله فيك

صحيح ان اشي قسمة ونصيب .. لكن يجب علينا نعمل با لأ سباب المباحة .. وأنا اسفة كل قصد ي هو: الاهتمام بالزوج

ما كنت اقصد اظيقكم.......

هياتم

وجه الخير

حب الرمان

مشكورين على المرور