السلام عليكم ورحمة الله وبركاته.أرجو من الله ثم منكم إن تعم الفائدة بالموضوع، على الجميع وأن تكون بعض الأجابات فائدة للبنات إن تزهر حياتهم الزوجيه بكل ود وإحترام وحب. موضوعي , اليوم ممكن يكون شوي غريب عليكم، ولكن مما رأيت من مشاكل تعاني منها بعض القريبات لي, وبعض الزميلات بالعمل وكذلك في الحياة الاجتماعية. بداية , حدثتني صديقتي / قبل عدة إيام وطلبت مني مساعدتها في موضوع جداً قد أستغربت من طرحه لي والموضوع كان كالتالي :
تقول إنها تقدم لها شاب حسن السيره والاخلاق ولايوجد به عيب من الناحية حسن الاسلوب والتعامل والدين والاخلاق , ولكن حاليا، تفكر في عملية الانفصال منه وذلك بسبب الاحراج اللي كل ماخرجت من المنزل ، لرحلة تسوق او عشاء او ماهو متفق عليه , وتقول نظرة المجتمع لزوجي جداً قاسيه بسبب أنه يعاني من السمنه وعندما أنظر لرجال مع زوجاتهم واجسامهم جميله تبارك الرحمن أحزن واشفق على نفسي لأني محرومه من هالشي وبالمناسبة السمنه ليست شديده جداً إنما وزنه فوق 130 وقصير بعض الشي طوله ، والأن لي فتره سنه وست شهور متزوجه , ولم ننجب اطفال ولذلك أفكر بالانفصال , الصراحه انا تعجبت وأنبهرت من كلامها وقلت لها كيف يافلانه !! تفكرين تنفصلين علشان شي تافه ؟ علشان حاجه ليست عند الله محرمه وليس شي يجلب العار بالعائله ؟ هل من الممكن إن المجتمع حالياً قد وصل لدرجة التفكير بالاشياء هاذي , طبعا اقـنعتها ببعض الكلام , ولكن لم تبدا على ملامح وجهها الاقتناع , أرجوكم اخواتي أن كانت لديكم بعض الكلمات التي سوف تغير فكرة زميلتي عن التفكير بالانفصال بسبب سمنة زوجها ! تتكلم لعلّ وعسى كلماتها بعد الله عندما انقلها لزميلتي , تكون فتح باب خير ومنع من هذا الشي أنه يصير على العلم إنها لم تفتح موضوع لزوجها أنه تقترح عليه عملية تكميم او عمل رياضه وذلك بسبب عدم إحراجه ب هذا المشكله, وهذا موضوعي وأسئل الله ان تعم الفائده على الجميع , وكل من لديها زوج يعاني من السمنه أن تستفيد من الموضوع وشكراً لكم

ارق فتنهه @ark_ftnhh
عضوة جديدة
يلزم عليك تسجيل الدخول أولًا لكتابة تعليق.

ارق فتنهه
•
..




طيب قبل لا تفكر بالانفصال تحاااول تغيره يعني مثلا عشان لا تحرجه تقول له ممكن تأخر الأطفال بسبب الزياده الي بالوزن عندك وش رايك تسوي دايت ويوما نروح نمشي علي الكرنيش او حتي تجيب لك جهاز مشي تحاول تغيره علي الأقل هي ماحاولت وياااما شفت حريم رجالهم كانو سمان وبعدين غيروهم هو زوجها وعايش معاها ببيت هي تطبخ له وغابل الوقت معاه تقلل له دسومه وتغير نمط اكله كل شي بيدها وتساعده علي تقبل الرجيم والمشي والرياضه ا حتي يسجل بنادي رياضي لانه اذا الرجال كويس معاها حرام تخسره وربي واكيد اذا يحبها بيتقبل فكره انه ينزل وزنه اما كذا علي طول انفصال لو هو معند وعاجبه سمنته وهذا الشي فعلا ماثر علي الانجاب وهو يعاند معها حق تفكر بالانفصال اما كذا لا وبعدين وش ضمنها تحصل رجال باخلاقه ممكن تحصل واحد جسمه يجنن بس اخلاقه مثل نعاله مافي شي مضمون بالدنيا
الصفحة الأخيرة