*عرائس * من علب معدنية.... تنفيذى وبالصور.... اتفضلووووووو

@استاكوزا@ :

نكمل بسم الله هنجيب القماش الابيض ونقصه مستطيلات ايضا وممكن تأخذى نفس مقاس مستطيل الاسفنج بس زودى عليه شويه لان هنا العلبه صارت اتخن شويه وممكن تطوليه شويه لو هتحبى تثنيه من الاسفل(قماشى الى استخدمته كان مكرمش ففردته بالمكواه) طبعا الصور هتوضح اكتر ده القماش وهنا لفيته ع العلبه ولزقته بمسدس الشمع وهنا اثنيت نهايه القماش من الاسفل ولو انتى حابه تخفى معالم العلبه نهائيا ممكن انك تقصه قطعه قماش ابيض مدورة وتلزقيها ف اسفل العلبه بس انا معملتش الخطوة دى وهنا غلفت كل العلب بالقماش الابيض نبدا بقى ف تلبيس العروسه جيبى اى بواقى قماش عندك واستخدميه وزى ما هتشوفو ف الصور انا استخدمت اقمشه مختلفه ساده ومشجر وجينز المتوفر عندك هاتيه وتعالى انا هنا هشرح اكتر من الصور عشان معرفتش اصور وانا بشتغل الخطوة دى انتى بتجيبى القماش وبرده مستطيلات بس هنا زودى برحتك بس تخدى بالك ان نهايه القماش تكون مثنيه والى مش مثنى اثنيه انتى بمسدس الشمع انا اشتغلت كده كتير وده عشان القماش مينسلش من تحت ويدى شكل نظيف ومرتب لشغلك هنا بنعكس الشغل يعنى احنا كنا بنلزق الاسفنج والقماش ف خط معين خلى الخط ده ظهر العروسه يعنى افردى القماش وحطى ظهر العروسه عليه (معلشى ركزو معايا هنا وان شاء الله تكون كل حاجه واضحه ليكم) هنجيب الطرفين ونثنيهم للداخل بعدين نجيب ده ع ده وبنلزق بالمسدس شوفو الصورة ونتنى من فوق بالشكل ده مش قولتلكم زودو براحتكم (بس لازم تزودو) الفراغ الى ظهر ده هيبقى وجه العروسه يارب تكون كده وصلت الفكرة هى سهله ولو اشتغلتوها بايديكم هتعرفو ارجو عدم الرد حتى اكتمال الموضوع انتظرونى

نكمل بسم الله هنجيب القماش الابيض ونقصه مستطيلات ايضا وممكن تأخذى نفس مقاس مستطيل الاسفنج بس زودى...

+2

@استاكوزا@ :

نكمل بسم الله هنجيب خيوط الصوف المتوفرة وع فكرة لعب الاطفال ملهاش اى قواعد او قوانين يعنى لو عندك صوف احمر هاتيه عندك ازرق هاتيه اى بواقى عندك بالعكس الالوان دى هتعجبهم اوى وهتبرز اختلافات كبيرة بين العرايس بس بالنسبه ليا انا معنديش من الاساس (مكنش فيه غير بواقى صوف اورانج)فاشتريت وهنا جبت شلتين اسود وبنى عشان معنديش اولاد فخليتهم تقلدين شويه بس انتى ابدعى براحتك ف الاول قصى شويه خيوط بطول صابع اليد عشان دول هيبقو قصه العروسه ع جبينها وبعدين كنت بقص الصوف بالاطوال الى بشوفها مناسبه لشعر العروسه (كنت بقيس عليها واختار الطول الى عاجبنى ) بس خلى بالك ان الشعر هييجى ع الجناب يعنى قيسى من الجنب ده للجنب التانى والصورة توضح الخطوتين الى فاتو سوا (القصه والشعر)بنلزق القصه الاول ونلزقها ع العلبه من فوق وعلى جبين العروسه عشان الشكل يكون مرتب ثم تلزقى الشعر وزى ماقولت من الجنب للجنب وتلزقى من فوق ومن الجناب وهنا ضميت الشعر ع الجناب بشريط ستان (يكون رفيع) وهتشوفو ف الصور افكار تانيه زى الضفيرة او اضم الشعر من جانب واحد فقط او اضع ورده ع الراس الافكار كتيرة وانتى هتلاقى اشياء من بواقى اطفالك استفيدى بيها ف االخطوة دى ***ملحوظه مهمه*** انا كنت بعمل الشعر كثيف نوعا ما فكنت عشان الزق كل الشعر بالعروسه ومايطير الشعر الى فوق كنت الزق الشعر الى فوق بالى تحت بمسدس الشمع وتجميع الشعر بشرايط الستان ساعد ف التثبيت ايضا طبعا لاحظتو شريط (مش عارفه اسمه ايه بس لقيته عندى)حطيته ع وسط العروسه استخدمت شرايط تطريز عندى او شرايط ستان ومرة استخدمت الجينز وعملته شريط ع وسطها يعنى ممكن تبدلى بالقماش كشريط ع الوسط او بالستان او باى خامه متوفرة عندك طبعا ده كله عشان زى الكيمونو اليابانى (انا مشيت ع نفس الطريقه ) مش تقليد اعمى بس عشان اسهل انا مليش ف الخياطه بس الى تقدر تعمل جيبات وتنانير وبلوزات اوك تمشى ف الطريق ده والله يعينها هههههههههههههه يلا نكمل؟ نجيب الخرز الى قولت عليه ودى صورته بس ياريت تجيبو الخرز الاسود كبير شويه متعملوش زيي وبنلزقه بالطريقه دى عشان نعمل وجه العروسه (العنين والفم) الفكرة الاصليه كانت نعمل الوجه بالخيوط والابرة وانا نفذتها ف الاول بس حسيت انها صعبه وفكرت ف الخرز لقيته اسهل بكتير ويطلع مظبوط اكتر بس الزقو كويس عشان ميطرش اول ما البنات يلعبو بعرايسهم الجديده ودى اول عروسه عملتها وهتلاقوها بالصوف الاورانج الى كان عندى ووجهها بالخيوط وبتهيئلى بالمقارنه الخرز هتلاقوه احسن (والشعر هنا لونه مدى حيويه اكتر للعروسه وعشان كده قولتلكم غيرو ف الالوان براحتكم) اعذرونى لكلامى الكثيروسامحونى ف الاطاله يارب تكون كده كل الخطوات واضحه ارجو عدم الرد حتى اكتمال الموضوع انتظرونى بصور العرائس

نكمل بسم الله هنجيب خيوط الصوف المتوفرة وع فكرة لعب الاطفال ملهاش اى قواعد او قوانين يعنى لو...

+1