روحي لك الف مبروووووك على الفستان وعقبال ما تخلصين كل شئ

وعلى فكرة اذا تميتي تزنين على ريتا بترخصلج وايد
الحمد الله امي كانت رايحة وياي وامي ما شاء الله عليها في المكاسر


والحين يينا حق هم التصوير نبا محل تصوير في العين يكون فنان وموثوق

الا على فكرة محل الفنون شو اسعارهم وشو عروضاتهم ووين مكانة ( اعتقد ابوظبي )
نترياج يا روحي

هلا والله ......بالشيخه... :27:
زين سويتي وجربتي عند جيتا.....وانشاء الله بتخليج حلوه...وبخصوص التصوير انشاء الله بسال بنت عمي عن الاسعار...لاني ما اعرف هي اللي يابتهم في ملجتها ...وانشاء الله برد عليج يوم الجمعه او السبت لاني بروح دبي وبنام هناك .....

انا بغيت بعد رقم محل الروائع

مااااااااااااشااااااااااااء الله عليكن

ربي يجزيكن الجنة ان شااااااااء الله لكل اخت شاركت وساعدت خواتها في الله

والف شكرررر لتعاونكم مع بعض واللي هو ان شاااء الله في ميزان حسناتكن
واللي مهم بعد انه الله يوفقكم ويسعدكم دنيا وآخره وفي عيشتكن الزوجية اللي حستن وتعبتن عليها
والله يسخر لكن أزواجكن ويرزقكم الذرية الصااالحه،،
حبيت أقوول لكم اقتراح،، يعني بعيد المدى
أبي للتي تقدر على هالشيء انها تكتب لنا عقب عرسها شو كان العرس؟ وكيف طلتها؟
ووين سافرت؟؟ هههههههههههههههههه لقااافه وعشان اتعلم
ان شااااااااااء الله استفيد من كلامكن وردودكن لأني انخطبت بس ما تحدد العرس
وقريت كل الردوووووود وحفظته عندي في المفضلة :)
والسمووحة عالاطالة ودعواتنا لكن وادعوا لنا ولا تنسون ذكر ربكن عسب يوفقكن

وحياااااااااكن الرحمـــــــــــــــــــن

مرحبا بنات ومشكورين عالترحيب والله انكم ما تقصرون

هاكم اخر اخباري
رحت دبي ورحت شفت القاعة وكنت ابى اشوف غرفة العروس بس ما قدرت لان كان في عرس بذاك اليوم والعروس موجوده بالغرفة
المهم دشيت القاعه وكانوا مرتبينها ومجهزينها
عيبتني الكوشة واااااااااااااااااااايد وترتيب الطاولات وكانوا مسوين الدخلة(الباب) بالورود وحالة بس شي مرتب الصراحة
وسألت عن الكوشة قالوا محل اسمه فايف استار على ما اظن فالشارجه
كان المفروض نروح لهم ثاني يوم بس كان مسكر
ان شاء الله عالاسبوع الياي يمكن اغير رايي عن محل تهانيها لان هالمحل شفت شغله لايف بس بعد لازم اشيك على شغل تهانينها قالت بتيب لي صور لشغلهم واليوم ولا باجر بروح لهم

بالنسبه للتصوير شكلي بعتمد خلاص على ايوب عيسى ومشكوره عالنصيحة اختي ان شاء الله احاول أأكد على سالفة الاهتزاز
بس سؤال عن التصوير كم كاميرة فيديو لازم تكون موجوده؟
ادري سؤال غريب بس لان فالملجة كانوا يايبين كاميرة وحده واحس ما طلع كل شيء بالتصوير مع ان الحفلة كانت روعة والحمدلله

روحي لك
بالنسبه لمحل فنون انا شفت شغلهم واسعارهم
كانوا مسوين عرض بالكليه ووزعوا علينا الكتيب بصراحه ما اعرف اذا اسعارهم اوكي
لاني ما اعرف بهالشغلات
واظن بعتمد على الاضاءة من القاعة نفسها لاني يوم شيكت عالقاعة شفتهم وايد يدققون بسالفة الاضاءة

ما ادري كيف بيكون ترتيبكم للصالون بس انا شكلي بيب الخبيرة بالقاعة
لان من اسبوعين كنت فصالون معروف وزحمة والكل حاجز بس بعد وايد أخروهم
وحليلها العروس تراكض وراهم عشان يخلصون لها وبصراحه ما ابى اكون جذي بيوم العرس عن اتلعوز

اما الفستان فأنا رحت لـ
- شادي وما عيبني احس الفستان عليه شغل وايد وثجيل وقديمة الموديلات
يمكن لاني ما جربت عاللبس ولا المحل كان زحمة !!

- شفت درا سارة للأزياء لانه بنفس المركز من شفت الفستان المعروض عالواجهه ما دشيته
حسيت شغلهم ابدا مب حلو ومرتب

- رحت بعد محل اسمه غواشي شفته صدفة بجميرا وما عيبني ابدا ابدا شغلهم جديم من الخاطر وما يستاهل

- ورحت بعد هزار عيبني فستان عندهم حلو وبسيط بس راقي عاللبس
ما ادري اختي روحي لك اذا شفتيه فيه حركة حلوه مثل اللف ومربعات من الكريستال
ما يبين بالصور بس عاللبس حلو
اذا شفتيه قولي لي رايج بليز.. لان يمكن اعتمده

- ورجعت مره ثانيه لادونا وقايست الفستاتين مرة ثانيه بس ما حبيتهم مثل اول مره
يمكن لاني لفيت هالمره اكثر من محل والفساتين حلوه بس ما طلعت حلوه علي..

بس شكلي بتريا عالفستان لين ما امر على الزفة اشوفكم تمدحونه!!

على فكرة انا من بوظبي بس عرسي بيكون فدبي
وبتاريخ 13/7


سوري طولت عليكم
ونتريا البقيه عشان يفيدوني بالصالون..