شفيكم هملتوا الموضوع؟؟؟؟؟؟؟؟؟؟

السلام عليكم

لكل البنات

والله قلبي اشرق فرحا بسماعي بالمناسبات السعيدة والاعراس الله يفرح الجميع يارب ويبارك لكم بزواجكم وهب لكم الذرية الصالحة انشاء الله

ولا تخافن سبحان الله ربي يعطي للعروس حسن تبارك الرحمن توكلن علي الله والفستان ينلبس ساعة واحدة وجمالج اهو اللي بيخليه فستان الاحلام بروحج الحلوة ورضي نفسج ورضي ربج والوالدين انشاء الله

كنت قريت اهني عارضين فساتين بالمنتدي ربما تساعدكن الاخوات

بالتوفيق يارب

نصيحة من اختكم ام احمد

سر السعادة الزوجة الرضي
والحب
احب اني اسعد زوجي فيشغلني التفكير باسعاده فاجلب الفرح لبيتي ولنفسي

احب ان ازين بيتي فاجعل منه روضة لا يمل زوجي من الجلوس فيها

احب كل ما في زوجي فينعكس عليه حبا هو ايضا فلا يجد غير الرضي علي حياته

لا اريد ان اطيل عليكم
والسموحة لو ما هي بمحلها لكن دفعتني فرحتي بفرحة كل مقبل علي زواج لانه مقدس عندي ان اقول هذه الكلمات

والله خايفة بنات تقولن دازة بويهها وداخلة تنصح

لكن ما عليه ربي بالنوايا عليم لان عندي خوات واتمنلهم نفس الشي الله يوفقهم بالزوج الصالح انشاء الله ويفرح قلب كل البنات ويسعد امهم بهم يارب

في رعاية الله وحفظه

om_khallid

الله يوفقج عيوني وانشاءالله

K_7OBY
أنا من العين بس قوليلي حمام الزيت والحلاوا وهالسوالف رحتي لها ولا يتج؟
واذا تعرفين جيتا في صالون عروس الخليج هل اللي سويتي عندها أحلى بوايد؟
بصراحه انا ودي اسوي في العين عشان ما اتعب من الخط بس فرق السعر وايد

رعبوبي

الله يوفقج يا رب وتلقينه على ما يناسبج
شوفي انتي كلمي مدام ليلى هناك لأنها هي مصممه الفستان وهي وايد متعاونه احسن من المصمم اللبناني احس مخه متحجر أو بالأحرى هي تهتم أكثر هو أنا اقولج
الفستان حلاته في موديله يعني انه الشغل الكرستال متركز على المربعات هذي هني انتهى الموديل أكثر من جذيه ما بيطلع حلو من وجهة نظري الا في حالة وحده!! وأكرر هذي وجهة نظري انهم ينثرون كرستالات صغار بحيث ما ياخذن الشكل الرئيسي للموديل ويكون الشكل الرئيسي للمربعات اللي فيهن الكرستالات الكبار.. شوفي بقولج شي ملينا من الورد والأغصان في موديلات الأعراس هذا متميز انا اشوفه لأنه شكل هندسي وطالع كلاسيكي بطريقة حلوه .. وهم عرفوا يركبون الموديل صح لأنه يابو درابيه وحطوا المربعات تمسك بالتالي طلعت النتيجة مب شوي .. أنتي قوليلهم لو بس تنثرون لي كرستالات صغار على أطراف الدراببيييه (اللي هو اللف) أو ممكن يحطون لج خطوط متقطعه من الكرستالات الصغار على أطراف اللف هذا بحيث انه الفستان ما يفقد موديله .. ويكون الكرستال ياي متوازي ومتماشي مع الدرابييه.. مادري فهمتي علي؟ أو ممكن تكون اللي فيها المربع ساده والثانيه منثور عليها كرستالات صغار!! .. هذا رايي وطبعاً هم ما بيخلون الفستان الا يطلع بنتيجه حلوه انا اعرفهم وايد يهتمون كيف تطلع موديلاتهم ..

الحمالات صح معاج حق انا بعد لاحظت انه العقد مايبين على الموديل .. واذا ما بتلبسين عقد تراها موووضه اللحين <---- وحده ازط عنج بعد خخخخخ

انا كنت مكلمتهم يسوون لي ايدين في الفستان هذا يوم كنت افكر فيه واعتقد قالوا عادي ما اذكر .. أنا معاج انج تغيرين في الحلج عشان العقد واقعدي معاهم وانشاءالله يعطونج حل بديل ..

ملاحظه: انا افضل دايماً انه الفستان يكون فيه ايدين لأنه يعطي هيبه أكثر الحمالات بروحهن كيوت .. والإيدين هيبه .. (يمكن لأن الكت او الحمالات ما يناسبني احس جذيه)


بالنسبه للكرين:
هو الكرين ماعرف شو اسمه بالعربي!! بس انه مثل الكرسي مثبت مثل ما قلتي وله شي يرفع الكاميرا فوق بارتفاع 11 متر تقريباً بحيث يعطيج view من فوق ويتحكمون فيه انه يتم ينزل، قد شفتي حفلات مطربين كيف يصورون من فوق بعدين تنزل الكاميرا لييييين ويه المطرب؟؟ جذيه

شجون الاماراتية
والله يا عزيزتي انا أول وحده أهملت أعترف لأني فعلاً كنت مضغوطه مؤخراًُ وكلها يومين وامتحاناتي تبدا الله يعين .. ما قلتيلي قريتي ردي بخصوص التصوير؟ وهل عندج ملاحظات؟

وهل حجزتي التصوير ولا بعدج؟

اللحين عندي بطاقات الدعوة .. انا بنات ضد البطاقات الكبار احس المفروض نتطور ونخلي بطاقة الدعوة .. مجرد بطاقة دعوة شكل بسيط ويتضمن الدعوة!! تعرفون أفكر اسوي البيض الصغار نفس كروت المعايده (مب الصغار الصغار اللي ينحطن على بوكيهات الورد) لا اطري كرت حادي حجم A4 مسكر بس اخاف العالم ما تنتبه انها بطاقة عرس لأني ما شفت حد سواها حولنا من البدوان!! شو رايكم ؟؟

روحي لك ..
اسفة على التاخير في الرد ...
اما عن الفستان ... الي تبي اتشوفه ممكن اتيني و ارويها ... لكن قياسه تقريبا small -medium >>>
لكن الطوال ما ينفعهم لانه اختي قصيره اشوي .....
و هو مب ابيض ... على البيج شوي ... لكنه رهيييب ... و احلى شيء فيه انه ستايله يديد ... و ميزته انه بف وايد و خفيييف وايد في نفس الوقت ... يعني العروس بتمشي فيه بكل راحه ... و هو عبارة عن توب و تنورة ... التوب راااااقي عبارة عن دانتيل مشغول ... و التنورة ما اعرف كيف اوصفها لكن فيها لمعة عجيبة ... ووروود مسواية من القطعة نفسها ..

الاحسن انج اتشوفينها بنفسج .. و اللي تبا رقمي اتطرشلي على الخاص .........

:)