الحامزه

عيوني ني بوظبي ليش لا .. واصقعينا برقم تيلفونج على الخاص أو أي طريقة نتواصل فيها معاج.. ربج يمكن يعيبنا شي بس عاد لاتزعلين اذا قايسنا وزوغنا (وحده ناويتها من أولها ) ههه لا امزح معاج بس تعرفين .. عرسنااااا هذا لازم ندور الامارات كلهااا لين نلقى شي

انا ودي اشوفهن .. بس عشان ما اتعبج ما تقدرين تحطين صور؟ نشوفهن بعد عشان باقي عرايسنا يستفيدن ويشوفن!!

uae_girl

انتي تعالي تعالي .. خليج على صوب لا تسيرين عندج أشياء حلوه وبلاوي متلتله
خليج ويانا بنردلج نسأل عن سوالف الجلابيات هذي..

مقدر اجامل

فديييت خشمج طولي طولي .. احكيلنا بعد وبالتفصيل الممل .. أكيد نبا أفكار ليش ما نبا!! هو احنا كل يوم بنعرس؟؟ شوفي انا قاعده اجهز البيت والحلفة ونفسي بصراحه حايسه مب عارفه افكر في شي.. بس الله يخليج اكتبيييييييلنا أفكارج النيره هني عشان الكل يستفيد.. بس لاتقوليلي زفة سيندرلا.. لأنه ويهي ما يركب عليه الدلع .. قولي وخبرينا شو سويتي في عرسج اللي الكل مدحه هذا .. محتاجين نحن عرايس فريشششششش عشان نقلد (قصدي نستفيد).. يالله ننتظر أفكارج لاتبخلين علينا, ولا تنسين بالتفصيييييييييل الممل.. لأنه استيعابنا بطيء احياناً يعني قد ما تقدرين اشرحي (من وين وكيف وليش وبكم بعد)..

الدبل صادقه الشعيبي حلو لايعلى عليه بس الأطقم (أنا اشتريت طقم بأربعين ورجعته ثاني يوم)
مادري ليش قلبي عورني؟ ولا عشان موديلات اطقمهم احسها جديمه ووايد معنقشه!! أحسهم ما عادو الأوليين في الأطقم!! .. بس عجبني واحد في معرض المجوهرات اللي سووه في العين ستايل يديد والمحل لبناني بس قالولي انه موجود في مجوهرات الندى في دبي .. بعدني برجع له يوم بشوف.. بس ما رضى ينزله عن الـ 39000 لو ألقى شي أحلى باخذه بس انا مخليه العقد للآخر عشان افضى له..

انا عندي فستان فصلته في هزار ب 30 الف وموديله حلو عجب كل من شافه ...
بس المشكله طرحته مب موجوده .. ممكن اذا بتفصلين طرحه بأجره لج ..
بس اريد اعرف قياسج ..

سحابة خير

انا أرسلتلج على الخاص وأنتظر ردج بخصوص الفستان

وباقي البنات وينكم يالله ننتظر آرائكم عن العرس والزفه وباقي الشغلات الحلوه
بنات العين .. في تنزيلات في بعض محلات العين مول لملابس النوووووووووووم
عجبني واحد لونه لحمي .. وواحد أسود اليوم .. في محل نسيت اسمه مقابل
الكوفي (الدائري هذا اللي آخر المول)..