عرايس الاحساء ساعدوني

هلا عمري حياك الله وبتنور الاحساء بوجودك

اعرف لك خياطه رهييييييبه اسمها ام مراد هي مصممه وخياطه بس شغلها روووعه وتضبط لك مقاسك وتحترم مواعيدها واسعارها مقبوله جدا يعني تبدا من الفين لفستان زواج وممكن تزيد اذا بتجيب الخامات من عندها
اذا ودك برقمها ارسلي لي على الخاص

وفي وحده ثانيه مصممه اسمها الهام يمدحوها بس انا ما جربتها اذا ودك برقمها ارسل لك اياه

وطبعا في الخياطين اللي في السويق شاهد ومحفوظ وغيرهم كلهم كويسين

هلا حبيبتي
اول شي الف الف الف مبرووووووووووووك
شوفي حبيبتي عندك محل الصالح بالسويق
عنده فساتين سهره مره حلوه بامكانك تشترين, تستاجرين, تفصلين على راحتك
واسعاره على حسب القماش والمديل اللي انت تبينه فيه غالي و فيه رخيص
يعني يمكن تشترين القطعه 600مع التفصيل تجيلك 950
او 850مع التفصيل1100 ,وفيه طبعا اغلا وفيه انزل
طبعا فيه محلات كثيره في السويق وشارع الماجد يعني اذا حسيتي تلقين اللي انت تبينه
انا ذكرت لك الصالح لاني اتعامل معاه اما الباقي ماتعاملت معاهم فماحب اخوض فيهم
وانا ماتعاملت معاهم بس مثل ماقلت لك انتي دخلي كذا محل واختاري اللي يعجبك
وبما ان زواجك قريب انصحك انك تشترين لان مافيه وقت لتفصيل بالخصوص اذا المحل عنده زحمه

هذا اللي عندي بس ماحبيت ادخل واطلع وما اكتب شي
واتمنا البنات يدخلون وفيدونك

السلام عليكم ورحمة الله وبركاته
في مشغل الهودج يمدحونه كثير في شارع الماجد
في العطله أنا فصلت عند خياط ( سجاد) كان الموديل روعه لكن أمي فصلت عنده كان الموديل عادي
وهذا موجود في السويق في شارع الخياطين

فوووووووووووووووق

فووووووووووووق