عرايس الامارت====<<< meeting:d

مشكورة اختي



وانا ممكن اضيف بعض الصالونات

طبعا انا من دبي يعني يخبركم عن اللي في دبي



اول شي محلات للقطع والاقمشة


الفساتين في شارع الرقة محلات وووايد ((مهنا افراح- وفيا روما))


واما القمشة مال التنانير (( في السطوة محلات ووايد مثل

طاهر - ريجال- سرور قطع حلوة مثل الشيفون والكريب ولجنز
والاسعار ووايد حلوة))


الخيايط العادين بس اللي ايظبطون الخياطة مثل التنانير

في الحمرية خياط اسمة صدف الصراحة الخياطة ووايد زينة وعلى الوقت وخياط عش البلبل في المرر

اما عن السراويل عندج فاضل وين سوق الذهب - وفقير بعد في نايف))

وبعد بغيت اخبركم عن باكساتنية اتسوي جلابيات ووايد حلوة وخصوصا للعروس لليلسة في البيت اسمها قرشية واسعارها حلوة اتسوي لج فيها شرات التطريز بس باليد



وبعد من المخاوير الزينة عندكم فقير ووايد حلوة للعرايس

وبعد على مال اللة وراء سوق الذهب ووايد مخاوير وووايد

وبعد في الراس مخور اسمة على خليفة وعمر

وبعد في فريج المرر ووايد للمغربيات اهم شي القطعة تراها تلعب دور في الموديل





اما بالنسبة اللي في الراس اول شي =ووين الموقع

ووين المكتبة العامة مال بلدية دبي اتخبري اي تكسي بخبرج ووين
؟؟؟قريب من خياط المدني مال الرياييل


المخاوير هم

على سيف

عمر

ندالشبا

سيف

اما عن اللي وراء سوق الذهب اول ما تدخلين السوق الذهب اتلفين يسار اتشوفين اول سكة على يدج اليمين
داخل تتدخلين

المخاوير الزينة هناك


البداووي((احسن واحد))
سلطان ابراهيم
على مال اللة
الجميم

اما عن الباكساتنية واللة هي ادور على البيوت واحنا انعرفها تاخذ طلبيات كميات واتسويهن




واذا اي شي انا في الخدمة



المهم اما عن الصالونات بكتب لكم بتفصيل عن كل الصالونات
هلا اخواتي اليوم راح نتكلم عن الصلونات بس من راي انا طبعا اللي في دبي واحسن الصلونات بجميع المستويات


المهم خلنا نبدي بالحمام المغربي


1- في عندكم في فندق رويال ميراج روعة روعة والسعر 200 درهم المكان طبعا في الميناء السياحي جميرا

2- صالون دون في جميرا نوعين عندهم العادي 100 وعندهم 150 يمدحونة الحمام مالهم واللي اتسوية هندية

3- مركز الضيافة للتجميل في الجميرا نوعين العادي وبالاعشاب انا مجربة عندهم زين بس على فكرة كل مرة يغيرون اللي اتسوي ماعندهم وحدة ثابتة بس في النظافة اوكية نظيف الصراحة

4- صالون نسيت اسمة اللي في مركز الهنا فوق انا شفت الحمام مالهم ماعيبني مش يلين هناك واللي اتسوي مغربية


5- صالون الدرة في الضيافة ووين صالون ايمان يمدحونة ومنافسة بينهم وبين ايمان في الحمام المغربي

6- صالون شاليمار في الضيافة وايد زين اللي اتسوية وحدة مصرية

7- مركز العناية بالبشرة فوق البصريات بناية الشيخ حمدان ووايد زين يمدحون وووايد ووايد

8- صالون الود في ديرة زين بعد

واللي اتعرف اتخبرنا بعد

مرحبا اخواتي العضوات اتذكرت اسم الصالون اللي في مركز الهنا اسمة البسمة

وصالون دار العرايس في الراشدية بعد ووايد زين

حمام الهنا في ديرة من اول الصالونات للحمام المغربي في دبي



اما عن المكياج والتسريحة خلونا انقسم الصالونات اللي زين في المكياج واللي في التسريحة شو رايكم يابنات وكل بنت لها راي في صالون


صالون مشكبار((هندي)) من احسن الصالونات والمعروفة على مستوا الامارات ولاعروس طلعت من عندهم خسفة سوري كل العرايس حلوات من كل النواحي التسريحة والمكياج واخفاء العيبوب سوا العروس بيضا او سمر او حنطية

صالون موار ((لبناني)) زين مكياجهم ويناسب البيض بس لاتغمرين اذا كنتي سمرا لانهم مايعرفون يتعاملون مع البشرا السمرا مول يطلعونها بهلون يوم العرس وهي طبعا ليلة وحدة ماتتكرر

صالون ايمان في الميكاج ووايد حلوة مكياجهم للحنطيات والبيض وحتا السمر ومن اقدم الصالونات في دبي اقدم عن موار وغيرهم

صالون الوداد ((هندي)) مكياجهم نفس مشكبار بس الفرق في السعر وانهم ما عندهم نفس زحمة مشكبار واللي اتمكيج طلعة من عند مشكبار مكياجها مميز

صالون المعالي آنا شايفة المكياج على ربيعتي ((هندي))بس المعاملة مول مب زينة بس الشغل اوكية

صالون غواطيس في الكرامة مركز الشريفي مووووووووووول مب زين كلة زيت في زيت
اللي اتمكيج دليلة مغربية ماتعرف مووول المغربيات معروفات حق الحمام المغربي مش للمكياج نصيحة مب ززين

مركز قنطار اللي في ديرة يبعون ماركة كرولايون كانت عندهم وحدة اتمكيج زين يقولون طلعت حلوة مكياجهم بعد

صالون رفال((لبناني)) اللي في ديرة في التسعيان كانت لة سمعة اما الحين مش ووايد عرايس ايسرون عندهم

صالون عمرو((لبناني)) اللي في ديرة مول مب شي الصراحة آنا شفتة في فنجان قهوة ما اعتقد انة في عروس تيغي أتجازف يوم عرسها


صالون((هندي)) روبي في ديرة من اقدم واحسن الصالونات من المكياج روعة واللة

صالون مني((لبناني)) مساكين آنا من راي مش حلوة بس حق اللي تبا لة


بنات اخاف نسيت صالون من صالونات دبي احنا اتكلمنا الحين بس عن المكياج ما قلنا شي عن التسريحة
وعن العطورات انا عندي عطورات ودخون خصوصة وصناديق للعرايس






؟؟؟

واذا اي سوال انا حاضرة

مشكوووووووره بنت البنات اكيد انشاء الله بنستفيد من هالمعلومات
انا ناويه افصل في دبي يقولون ارخص
بالنسبه للحرمه ممكن رقمها لو سمحتي؟؟

هلا اختي تقصدين الباكستانية

من عيوني وراح اعرض لج منتجات الصناديق مخصوصة للعرايس والمخلطات :24: واي خدمة انا حاضرة

ما شاء الله يا بنت البنات كفيتي ووفيتي :26: :26:

مشكورة اختي الغالية الحيزبونة