عرايس الدمام ... تعالوا نساعد بعض في تجهيزاتنا

هلا الغالية

موضوعج حلو..

بس تعرفين تفاجأت بشغلة .. فساتين الأعراس عندكم تتفصل بأسعار مناسبة
تعرفين إنه أرخص فستان زفاف عندنا في الإمارات يتفصل ب 15 ألف درهم( يمكن فيه أرخص لكنها تكون محلات مش زينة في الغالب )

الظاهر وايد يقصون علينا

وعموما مبروك لج مقدما ولكل عرايس المنتدى :26:

أنا لسا ما تزوجت ولا أنخطبت ولا من هذا القبيل
بس حبيت أضيف بعض الأشياء

السلام عليكم ورحمه الله و بركاته ...
اولا و قبل كل شي الف مليون مبروك والله يتمم لك على خير ... نبدا
1-الفساتين ( جاهز او خياط ) عندك في سوق الدمام شارع الحب و الخبر شارع السويكت هناك فيه محلات شغلهم حلو ممكن تاخذين لفه عليهم و تشوفين الي يعجبكي من ناحيه الشغل و الاسعار .. بالنسبه لي جربت فيروز الي بدمام شغله حلوو اسعاره مناسبه لكن ما يطلعه بالوقت الي تبينه خصوصا في الاجازات لانه ينزحم و عندك تصاميم بعد في سوق الدمام شغله حلو و بصراحه مبدع
2- اما المكياج .. شوفي انتي الماركات الي ترتاحين لها و مناسبه بشرتك .. بصراحه ما اقدر اسمي لكي ماركه معينه لان الي يناسبني مو شرط انه يناسبكي ... و المحلات ( عطور باريس بسوق الدمام _ قزاز _ المصباح _ مكياجي_الهادي ) كل الي عندهم ماركات
3- الملابس الداخليه ( نعومي + لاسنزا + و فيه كذا محل في سوق الدمام و شارع السويكت .. مو حافظه اساميهم لكن اخذت منهم اشياء حلوه ايام جهازي
4-استوديو التصوير انا جربت زووم الي في الدمام ..لكن اسمع عن استوديوهات كثيره امدحوها البنات انشالله الي تعرف ترد عليكي .... ( لاني بكتب لك عن الي جربته )
(((الكوش و الطاولات و المسكه ))) جربت في زواجي مشغل لمسات الي في الخبر كان شغلهم حلو
مع ان شغلهم في المشغل جدا رائع و ممتاز ... انا اقولك عن الي جربت
5- الكوافيره ... سوت لي يوم زواجي ( عدلا ) ما ادري سمعتي عنه ؟؟ كان شغلها روووووعه .. والعام في زواج اختي كان اروع من الروووعه ... تغير كثير و صار يشبه مكياج حليمه بولند ( اذا كان يعجبكي مكياجها ) و تدرجاها في الالوان رهيب ... بصراحه انا امدحها لان مكياجها عاجبني ... لكن في كوافيرات كثيره يمدحونها في المنتدى
انتي اتصلي على كذا وحده و سوي بروفه و الي يعجبكي شغلها احجزيها ....
-------------------------------------
فية فى الدمام عدة مشاغل نسائية مثل الانيقة مقابل المركزى ومشغل لاجلك ومشغل انا واختى مقابل كليات البنات .
اما الماكياج اشكال والوان .وفى كل مكان بتلاقى مختلف الماركات بس انصحك قبل اذا ممكن تسالى واحدة خبيرة عشانك تقولك على اللى يناسب بشرتك من كريمات .وتساعدك فى اختيار الالوان اللى تناسبك .
الملابس الداخلية الواحة فيها اسماء ولاسنزا وفى عالم المساء فوق وابن خلدون بلازا ......... شفت فية نعومى قريب بيفتح .
المصورات فية مدام غالى .
والكوافير اللمسة الاخيرة على راس القائمة .....بس الحين فية مشاغل كثير ..مثل دار نجد ومثل اشراقة العنود .............انتى شوفى اللى يناسبك اهم شى فى الصالونات هذة تروحى من بدرى لانك تجلسين اربع او خمس ساعات .تخيلوا خمس ساعات الواحد يمدية يوصل للرياض
------------------------------------------
اخذت الملابس الداخليه والقمصان من((نعومي حق اول يوم ,,واخذت من اسماء ,, لاسنزا,,ايتام,,وواحد مدري وش اسمه بس فيه حرف v,,,البي اتش اس))بالراشد ولها فروع ثانيه بالدمام.. الى الان مالقيت بجامات تعجبني للاسف .
ايوه واخت بعد من دبنهامز بعد ملابس داخليه وقمصان .
اخذت كفر ((مفرش سرير))وطقم حمام فوط وروب ديشمبر.. من المتجر العام وعندك بالراشد وبالسويكت
اكيد اعبايات لاتنسين اختها من الحسناء بالسويكت.
فستاني فصلته عند دنيا الموضه بالخبر وفستان خطوبتي اخذته من ميسان بالراشد فوشي للين الحين عارضه بالفاترينا حسبي الله عليهم من الاضحى ولين الحين معروض
التصوير اخذت استديو قمرين وحجزتهم بعد لزواج ومدام غالي يمدحونها لكن ماشفت صورها
وشوفي بخطوبتك روحي صوري عندهم بالاستديو كم صوره احسن ماتكون الصور كلها بالبيت او بالقاعه
انا سويت كذا طلعت الصور اللي بااستديو احلى بكثير من اللي بالبيت
في خطوبتي حجزت شعاع فعلا خلتني وحده ثانيه,,, ماتغيرت بس عارفه شكللك هو هو ماتغيرتي بس تخليك احلى واحلى.. وبعد حجزتها بزواجي.
وش بعد اخذت كوشتي بالخطوبه من نارينا بالخبر بس تراه ضربه غالي
والمكياج مابعد بديت فيه وناويه مثل ماقالو البنات بروح عطورات بالريس بالدمام او ملاك
بس شريتلي كم روج من ريفلون مره حلوين زي القلم ينفر من تحت .
واخت سجاجيد لصلاه طقم يعني السجاده وجلال مع بعض..
وش بعد.. وش بعد..واخذت ساعه..
وملابس بيت اخذتها من ((مس سلفرج,, واي باي,,xoxo,,بينتون,,والس,, جنيفر,,وكذا محل مااعرف اساميهم بس لهم فروع في ابن خلدون))
وعندك هواجس اللي بابن خلدون يبيع لك بدل حلوه حق سهره
--------------------------------------
بالنسبه للحناء
احلىىىى شي شفته في مشغل اشراقة العنود عندها اكثر من حنايه وشغلهم حلووو
لكن لانك عروس اطلبي صاحبة المشغل وفاء حناها رووووووووعه
--------------------------------
أنا وحدة ما تعرف اي شي عن الزواج و تحضيراتة
1-ياليت تدلوني علي محلات اقدر أعمل فيها فستان الخطوبةأو أماكن تبيع فساتين جاهزة للخطوبة
بصراحه لتصميم ملابس السهره مالج الا سوق السويكت بالخبر شغلهم روعه ومليان مصممين واحلى التصاميم تلقينهم عند
شيك ليدي . وجدان . ومصمم لبناني اسمه احمد بدوي بس هذا بصراحه ماجربته
2-بالنسبة و فستان الفرح و أنا سمعت عن محل في مجمع الواحة او الراشد و الله ما أعرف هذة المحل يقولون أنة يتكفل في التفصيل الفستان الزواج و حولك عن طريق محلهم الي محل جزم و أزهار و هكذا ممكن أعرف اسم المحل و في اي مجمع يقع اذ أنا غلطانة في المجمع و كمان يعمل اكسسوارات علي حسب الفستان يعني يتكفل بكل شيء
بصراحه انا مانصحج بملابس السهرة الجاهزة خصوصا للعروس لانه بيكون متكرر ونتي براحتج
3-و ماهي أحسن المحلات و الماركات اللي أقدر اشتري منها المكياج و العطورات
المكياج انصحج ب ـ(ماك .ميك اب فور ايفر. جفنشي . والارواج عندج ماركه اختصارها (hr ) هاذي رووووعه
4-و أفضل المحلات للملابس الداخلية ملابس النوم
عندج اسماء شانتيل نعومي ايتام لاسنزا احيانا ينزل اشياء روعه بس مو على طول
بيجامات ايتام ولاسنزا حلوين
5-و واهي أحسن أستديوهات التصوير و أماكن عمل الكوشات ,و احسن اماكن لعمل الديجية و زفة العروس بصراحه ماعندي خبره بهالمجال والبنات ماقصروا
6- و احسن محل كوافيرة
بصراحه انا في زواجي وخطوبتي رحت لصالون اوركيد بالدمام وكان شغلهم فعلا قمممه
و ممكن تساعدوني في أشياء يمكن ما ذكرتها
اشياء ماذكرتيها مممم
الذهب مثلا عندج سوق الحب محل اسمه ماسه و له فرع في بن خلدون هذا عنده تشكيله روووعه ومميزه بمعنى الكلمه
وماتلقين عنده اشياء مكررة
وللالماس في محل اريج بسوق الحب وفيه بالراشد وهذا هم روعه
والعطور انصحج بكوكو شانيل , جفنشي الجديد . وسان لوران الازرق هم هذا حلو
لمستحضرات العنايه بالجسم انا عن نفسي احب مستحضرات بودي شوب خصوصا كريماتهم (وحتى الارواج عندهم حلوة ورايقه)
والجزم الدو وميلانو واحيانا بالمحلات العاديه تلاقين تشكيله حلوة
ممم وبعد ياربييييي
اي ذكرت الشنط انا احب شنط( مون سون) خصوصاً للعرايس وهالمحل موجود في الراشد والواحه وبن خلدون
والملابس في زارا مانقو السواني بجميع فروعه برمود مس سلفريج واي باي تي شرتاته حلوه
=------------------------------------
شوفي حبيبتي لتضيعي فلوسك في أشياء مالها داعي ولا تستعجلي في أي حاجه قبل لتشتري خذي لك لفه عالأسواق
بعدين أختاري الأجمل
ونصيحه لتكثري من الملابس لأنها نهايتها صناديق التبرعات الي بالشارع
خذي لك حاجات عمليه وألوانها زاهيه بما أنك عروس بس لتكثري يمكن تحبي بعد فتره تغيري
حطي فلوسك بالذهب أو الألماس ترى ما في أحلى منها بريقها يعطي الوحده بهااااء عجيب هالأيام موديلات تخبل ويبقى ذخرللدنياهههههههه
والعطور طبعا مهما حطيتي مش خساره فيها
وقسمي جهازك قبل ما تبدي تشتري ولا حتلاقي الفلوس طاااااااااارت وأنت ما سويتي حاجه.
بالنسبه للكوافيره والحنايه أنا أعرف وحده شغلها قمممممممممممه فوق الفوق إذا حبيتي أعطيكي الرقم وأنتي شوفي
والأخوات قالو لك على كم مشغل يعطيهم العافيه ما قصرو بس لازم تعملي بروفه قبل أو تشوفي الشغل بأي مكان نصيحه.
لأن الناس أذواق مش ضروري الي يعجبك يعجب غيرك
الكوش وغيره عندك سعد الدين شغله حلو يجهز لك الكوشه والطاولات
وعلبة الطقم(طقم العرس) الي يتقدم للعروس
وممكن تاخذي من عنده جاتوه العرس أممممممممممم يجنن طعم وصوره
----------------------------------
لما قلت لك عن اشراقة العنود كنت اقصد الحنا بس هو مكياجهم وتسريحاتهم حلوه لكن ما تصلح لعروس
احلى شي اللمسه الاخيره والنافع
والتصوير حواء والعيد
والذهب عندك في الحياة بلازا محل زينه وصبايا في تشكيلات حلوه
واحلى مصممين فساتين الزفاف في السويكت بالخبر شيك ليدي وجدان ومصمم
----------------------------
بنااات الخبر
بالنسبه للسويكت الخياطين شيك ليدي و وجدان خياطهم حلو؟؟
يعني اي موديل ممكن يفصله؟؟
طيب الاسعااار اشلوووون؟؟؟؟
والمقاس اشلون ياخذه؟؟
اما العرااايس احب اقول لهم الف مبروووك بس ترى لاااازم تتسوقون وقت التخفيضااات وخاصه ببداية التخفيضاات
واهم شي لاتنسووون العطوووور الشرقيه لانها مهمه
والعوووده
والعطوووور لازم تنوعون فيها
-------------------------------
اذا تبين تصممين فستان خطوبة او زواج عندك بسوق الدمام محلات العامودي تقدرين تعطينهم موديل ويسونة لك
ويمكن تلاقين جاهز عندة بعد وخياط فيروز جناان صراحة وعندك بعد بالسويكت خياطين كثار شوفى شغلهم
من ناحية الملابس الداخلية ماقصرو البنات قالولك
احسن المحلات عندك بعد بسوق الدمام قصر الدانة ومحل ثانى قريب منة
واذا تبين طقم للحمام وغرفة النوم بتفصيل عندك محلات الابي بدمام يفصلك من الستاير الى ديباج السرير
وبعد المتجر العام جنااان
من ناحية المكياج والعطور عندك محلات وجوة تلاقينها فى بن خلدون ومركز قزاز
من ناحية الكوشات اخلب مكلات الورد يسون كوشات وعندك محل الالك كادو
وفى محل اول ماتدخلين القطيف مكتوب علية محل للكوشات واذا تبين تصوير روحى شارع القدس فى القطيف هناك
مصورات وستديوهات بالهبل بس احلى شى ستديو العيد
وعندك كوفيرات احسن شى شعاع واشراقة العنود جنااان عندهم الحناء والمكياج واحسن وحدة بالحناء وفاء وخديجة
وبالمكياج فاطمة ام على وفاء بعد.....
----------------------------------
القائمة
1. البدل والأطقم التنانير والبلايز والبناطلين الكشخة.... الخ
2. الجلابيات الفخمة أو العادية للبيت...
3. ملابس داخلية سواء السبيشال أو للاستخدام اليومي
4. بيجامات
5. قمصان نوم
6. أحذية ونعوووول
7. أطقم الشيل والعباية
8. العطور والبخور ودهن العود والمخلطات والمخمرية...
9. كريمات مرطبة ومعطرة للجسم..
10. الفوط وارواب للاستحمام مع كل ما تحتاجينه من ليف وفراشي وسكرب ولوشن... الخ
11. اكسسوارات...
12. ساعات...
13. الشنط
14. ماكينة حلاقة واغراض اخرى وحلاوة وما حلاوة...
15. مكياج (كريم أساس+ كونسيلر+ روج + آي لاينر + ليب لاينر + ماسكرا + شدو .... الخ)
16. شنطة للمكياج...
تراة منقول
أتمني الفائدة للجميع
لا تنسوني من الدعاء

حبيبتي بدايتا ألـــــــــــــــف ألـــــــــــــف مبروك
وتصدقين أنا بعد عرسي بالإجازه
بس لسا ماملكت مشاء الله حولنا حددنا العرس قبل الملكة
بس بسألك أولا من وين إشتريتي فستان الملكة أو وين فصلتيه وبشكل مختصر بيني لي موديله ولونه
لأنو عماقريب إنشاء الله بملك أحم أحم
أما المهر بغضون هاليومين يجي
بس انا ماقصرت بعمري إشتريت لقطات موجوده بالأسواق احيانا ماتتكرر مره ثانيه
وبالنسبه لذوقي الحمدلله .. حلو وراقي واحب النعومة بملابسي (وحده حابه تمدح نفسها)
انا إذا تبين إسأليني عن الكياج لأنو خوووووواتي شااااااطرات ن هالجانب ورح أستفيد من خبرتهم
وطلبت من صديقتي تدلني على محلات خياط ممتازة ومشاغل
أنا اقولك : قالت لي بالسويكت محل (الخطوط المتجدده)
مصممها لبناني اسمه> ســــام < عليه تصاميم فلته تهوس بس علتو إنو يحب التعريه
يعني لو طلبتي منو نص كم يحطو جبونيز ولو قلتيلو جبونيز يخليه كت
فبالبدايه قوليلو أبي فستااااااان مستررررررررر
ولابغيتي تروحين عندو خوذي وحده ملسونه يعني تنزلك بالأسعار لأنو بإمكانو ينزل الفستان من 3000 إلى 1500
هذا واحد
وفيه محل بالراشد أسمو أتوقع > شانتيه يجيب فساتين حلللللللوووووووه بس اسعاره مورخيصة
هذا عن الفساتين ولو في مستجد رح اخبركي
أما عن محلات الأقمشة فمثل ماقلتي
الحياه بلازا ....... والخبر مول ....... وسوق الحب بس يبيلو دواره يعني تخصصين يوم كاما على الأقل له هذا بالأقمشة أما الأشياء الثانيه يبيلك أكثر من يوم
الإكسسوارت عااااااااااااااااااالم وفيه محلات تهبل عندنا بس إنتي وشطارتك
ومنه محلات إكسسورز سوون مون
والمكياج لاتاخذين إلا من عند محمود سعيد أو قزاز او محل بالواحه عند المطاعم فوق فيه ماركات ماكس فاكتور
حلوه اسعاره ويراعيكي بالسعر
وأما الروائح العطريه للجسم هذي يبيلها قعدة ..... خخخخ
أقول جيبي القهوة حضرتي مطوله
تلاقينها عند زهور الريف أو بدي شوب وكم من محل نسيت أسمائها
إذا بديت اجهز بخبركي
ولاتنسين روحي البحرين ترى تلاقين محلات مهب موجوده عندنا ماركات راقيه
وأما القمصااااااااااان ..... أنذر تـــــــــــايم :24:
وهذا مو كل إلي عندي
بس ياريت نتواصل
لأنو عن قريب ببدا اجهز ولو لقيت فلتات بالسوق بخبرك
وسلالالالالالالالالالالالالالالام
& ناني &
ختاما إدعيلي أنو ربي يتمم لي على خير وانا كمان بدعيلك
تحياتي
بياض الثلج
:05:

هلا بك أختي mam ... :55:

أسعاركم نااااااار ياكافي :23: ... خلاص تعالوا عندنا حبيبتي :42:

وياهلا بك



girl_love4ever هلا بك يالغاليه .... و الله يزوجك بالي تحبين عاااااااااجل غير آجل ... آمين يارب .. ويرزقك السعاده وراحة البال دنيا و أخره :27:

أشكرك ياقلبوووووووووووووو :27: على الرد المميز والرائع :32:



بياض الثلج ... بالتوووووووفيق يالحلوه :27: ......

بنسبة لفسات ملكتي .... فصلته ع السريع عند خياط بسوق الحب إسمه محل يوسف

أممممممم كلفني حوالي 2300 ريال :44: ..... بس طلع جناااااااااااااان والحمد لله :32: وبشهادة الجميع :42:

و الله يتمم لك على خير حبيبتي و يعينك في التجهيز و يحبب لك خطيبك ويحبب خطيبك فيك :32: ....... وإن الذهب ب ب ب يررررررررررررخص :42:


مولع الذهب حسبي الله عليه :(



بنوووووووووتات و الجميع مدعوووووو للمشاركه معنا :30:

نسيت أقولك لون فساتني وموديله خخخخخخخخخخخـ .... مستعجله حضرتي :17:

ياطويلة العمر فساتني داخل فيه اللون الذهبي و السكري و البني ... وعليه شال من التل المطرز ... الشال لوحده كلفني 700 ريال

ممممممممم موديله جاي صدرية من فوق فخمه و الكتف عليه قصه و رقبه ... ممممممم مادري كيف أشرحها

يعني نص الكتف طالع و الكم جاي من الرقبه خخخخخخخخخـ وش هالشرح :23: يسقط قبيله كامله ههههههههـ :42:

مممممممم الفستان طبعاً معاه جيبون (يعني منفوش) و + الذيل

من فوق جاي تركيز الون الذهبي و البني ..... و من تحت ذهبي و سكري وفيها كرستالات موزعه بشكل مرتب لونه بني

خخخخخخخخخخخخخخخخخـ داريه و الله مافهمتي شئ :30:

بحاول أرسم الموديل و أجيبه لك :42: ....... بس لاتعتمدين ... لأني مزحومه :o

مممممممممممممممـ مادري شكلي ما ساعدتك :( :44: