عرايس المستقبل ممكن تفيدوني!!!!

يامرحبا وسهلا بالعروس المباركه ان شاء الله.. اولا ماعليك من حد وانا اقولك 100% الله بيبارك لك وهذا مش كلامي أنا هذا كلام الرسول صلى الله عليه وسلم بمعنى الحديث "أقلهن مهراً اكثرهن بركه" وبتشوفين عرسك كيف بيكون مميز والمهم في الأول والتالي انك انتي وزوجك تكونون سعيدين ..والله بينزل السعاده والفرحة على قلوب الحاضرين، وانوي بقبولك بهذا الزواج انك بتبنين بيت مسلم وبتعفين شاب من الفتن الي في هذا الزمان.

بالنسبه للمهر أعرف وحده عطوها نفس المهر والله بارك لها وسوت كل الي يسونه البنات في زهابهن، انصحك لاتخيطين فستان العرس لأنه مكلف وايد بس شي فساتين بالإيجار وفي حتى بدون إيجار بس عليك تسألين وتدورين والله بيبارك لك.
أما عن قمصان النوم فما عليك منهم، الريال ما يعرف انتي لابسه ب100 أو ب1000 المهم يشوفه حلو عليك :D ، وهاي عن تجربه المعرسات كلهم ندموا انهم خسروا على قمصان النوم.

الذهب مب خساره فيه ولو طقم بسيط أو ساعه خفيفه و خواتم لأنك بتظهرين جدام العرب يبالك شي خصوصاً انك عروس، وإذا المعرس يايب لك زهاب بيكون كفايه.

الكوشه في عجمان والشارقه يسوون كوشات بأسعار بسيطه، والمكياج اسعاره معروفه، بس التصوير حاولي تختارين ألبوم بسيط لأن عن تجربه الألبوم بيتم ذكرى حقك وحق زوجك، أما الناس فيمكن خواتك واهلك بس الي يشوفونه، خصوصاً الألبومات الكبار الي كأنهم أدراج مكتب.

السموحه غناتي طولت عليك بس نصيحه الي يصرف مليون أو يصرف ألف كلهم يعرسون، والناس مايعجبها العجب وماتطلع من عرس راضيه، بس انتي أرضي والله بيبارك لك في عرسك وفي حياتك الزوجية كلها.

بارك الله لكما ويبارك عليكما ويجمع بينكما على خير :icon28:

بالعكس أحس إن المهر راح يكفي وزيادة إن شاء الله زي ما قالت لك الأخت الفستان إيجار ، أو تفصيل بس مايكون مرة غالي كمان إشتريلك كم طقم ذهب عروووووووووسة ولازم يكون عندك ذهب وإنت بالدعاء الصادق المُلح لله تعالى في أوقات الإجابه بالتيسير عليك والبركة في مهرك وحاولي كمان إنك ماتضيعي فلوسك في الأشياء إللي ما راح تقعد معاك ساعة زي الكوشة مثلاً حاولي تدوريلك على واحدة مو مرة غالية ولاتسرفي ، وأكثري الدعاء ،، صدقيني إحن ما نهتم بالدعاء نحس إنه مايسوي شئ بالعكس والله حل كثير من مشاكلي بواسطة الإلتجاء إلى الله في آخر الليل والإلحاح فإن الله يحب الملحين ( وقال ربكم ادعوني استجب لكم )
وأيضاً الإستغفار فإنه يزيح الهموم قال عليه السلام _ من لزم الإستغفار جعل الله له من كل هم فرجاً ومن كل ضيق مخرجاً ورزقه من حيث لا يحتسب _ صلى الله علي وسلم ،،، مثلاً كل يوم قبل ما تنامي إستغفري الله 33 مرة _ لزم _ يعني مو يوم واحد حاولي تداومي عليه دايما ً لأنه مفيد لحياتك ،،، لكن إذا تحسي إنك ماتقدري تداومي جربي أسبوع واحد وشوفي النتيجة وإن شاء الله ماراح تتركيه ،،


آسفة إذا طولت عليك بس حبيت أفيدك بإللي ينفعك إن شاء الله




دعوالتي لك بالبركة في مهرك وراحة البال والسعادة في الدارين



*********************************************

مشكورات اخواتي على الردود والنصحيه والدعوه الحلوة

جزاكن الله الف خير

بس حبيبتي ام غانم
ممكن تدليني على محلات الكوش اللي بعجمان والشارجه
وخاطري بعد اعرف استديو حلووو واسعاره والبوماته تكون رقيقه مب كبيرة لاني
ماحب هالانواع من الالبومات

واكيد ماراح افصل فستان بس راح ادور لي فستان تاجير

مع السلامه خواتي

ألف ألف مبروك والله يوفقك
من تجربتي كمتزوجة حبيت انصحك انك تشتري ذهب لاني بصراحة مانفعني بعد زواجي الا الذهب والفلوس اللي خصصتها له ماراحت مثل فلو س الفساتين وغيرها
وبخصوص قمصان النوم قد ماتقدري اشتري رخيص لان الرجل ما يهمه الا انه بكون حلو وناعم وبس
واهم شي حاولي تختاري كل شي سعره معقول ويكون ناعم وكثرة التكلف مالها داعي


الله يوفقك يارب

انا بضم صوتي لاخواتي الي سبقوني بالنصيحه...

المهر كتير ولا قليل بيضيع اذا ما استعملتي بتفكير و برزانه عقل...

انا برايي اذا بدك تصرفي من مهرك استاجري فستانك و ادفعي للمصوره و للكوشه و الباقي قسميهم تلات اقسام اقل قسم لقمصان النوم و حاولي تلاقي قمصان رخيصه جربي محل ايتام و لسانزا و نعومي احيانا عندهم اطقم سعرها معقول...

حبيبتي انا مهري 35 الف ريال و اشتريت دهب كتير من السعوديه لانو دهب امريكا معفن و غالي على الفاضي.. و الكوشه انا و اخوتي راح نعملها و عملنا زينه القاعه كلها..و اشتريت قمصان نوم بالهبل..المصوره دورت على ارخص مصوره في البلد بس طبعا مجربه و ممتازه..
الزهور نفس الشي ما علمت المسكه كلها جوري طلبتها تكون شويه جوري و زهور بريه لانو كل الفكره في الزينه كانت كانو حديقه و فراشات و زهور...

صدقيني ربي بيبارك في الفلوس لما تستعمليها بوعي و ما تفرطي.. و بعدين لما تشتري الدهب ما تشتري الي فيه حجار كتير و فيه الماس لانو في المستقبل لو احتجتي تبيعيه الحجار بتوزن بس من غير قيمه يعني بتخسري كتير..وحاولي ما تكتري من الدهب الابيض لانو كمان قيمتو بتقل في البيع..

لما تشتري الدهب اشتري اطقم ناعمه و بسيطه ما تشتري طقم واح كبير لانو ما راح بنلبس كتير...

اسفه طولت عليكي...

ادعولي يا بنات عرسي كمان 4 ايام.....

الله يوفقك و يهدي بالك و يبارك فيكي و في زوج المستقبل :)

اختك عيون يافا