عرايس المملكة (الرياض و الخبر ).. الفزعة لعروس الامارات..‏/قديم

هلا والله بنت الامارات والله يوفقك بالنسبه لفساتين السهرات عندنا محلات كثيره جدا اذكر لك اللي بالرياض عندك سوق الموسى هذا بالعليا مليان محلات وعندك عماير السيركون هذا غالي وقريب من الموسى وفيه محل لمسات طيبه قدام مركز المملكه بعد هذامو بعيد عنهم وفيه حياة مول مليان محلات واسواق كثيره بالنسبه للتفصيل فيه مصممات اذكر لك وحده فصلنا عندها اسمها عزيزه المحيني واسعارها من 3000وطالع وارسل لك رقمها على الخاص وبالنسبه لقمصان النوم عندك مركز رويال مول مليان محلات لانجري فوق وفخمات وبالنسبه لفستان الزفاف عندنا سوق المتنبي بالملز مليان مره محلات تشوفين التصاميم وتختارين وياخذون مقاسك ويفصلونه ورخيص الفستان مع الطرحه شفت من 3000واكثروفخمات والناس اذواق وفيه اسواق مكه مليان محلات بس بصراحه ماعجبن بس يمكن يعجبك مثل ماقلت الناس اذواق وهذا اللي يحظرني اي شي تبينه اسالي على الخاص واهلا فيك وانا احبكم فالله

شوفي يا أختي جاية من الامارات للسعودية نصيحة المحلات الشعبية و الرخيصة ما تنفع لك-
المتنبي ، اسواق مكة ، الرياض مول، الحجاب..الهرم ، الموسى ،
كلها شغل هنود و خامات رخيصة وشغل كثير بدون ذوق و رقي - مع أحترامي لأراء الأخوات

لا تروحين إلا لأسواق شمال الرياض و بالأخص العليا

الفساتين عندك شارع العليا العام بالأخص المنطقة ما بين الفيصيلة و المملكة ( بروفانس ، ميموزا، مختارات عبدالواحد،
أحمد بدوي( هذا أكثر واحد أنصحك فيه- مصمم سعودي معروف و أسعاره ما بين 3الألاف فما فوق و كل العرائس الراقيات يروحون له-)

و عمائر السريكون تقاطع العليا العام مع شارع موسى بن نصير ( فيها محلات راقية جدًا مثل الغرفة الذهبية و المخملي - دوري على كل العمائر كلها محلات خارجية و ما رح تعتبين )

أما الانجري و الأقمشة عندك رويال مول شارع الملك فهد عنده أشياء حلوة
فيه محلات مثل نعومي و لاسنزا و لافي أن روز و ومن سكيرت
بس هذي حتى موجودة عندكم - البعض يقول بأن الأسعار في السعودية أرخص من الامارات علشان كذا جربي تشترين حاجاتك من محلاتنا حتى لو كانت عندكم لأنها بتكون أرخص

هلابك عروس الامارات تنورين السعوديه والله ..

بعطيك خلفيه بسيطه عن اسواق الخبر والدمام..

محلات الفساتين اذا تحبين الستايل الاوربي البسيط عند محل مختارات عبدالواحد في الشاطئ مول على كورنيش الدمام بالدور الثاني
وعندك بعد محلات الاسعد بالراشد مول بالخبر بالدور الثاني بعد نلقين عندهم معروض وتلقين بعد كاتلوجات طلب .

اذا تحبين الفساتين اسميها خليجيه اللي كله لمعه وجيبونه كبيره عندك شارع السويكت والخبر مول بالخبر واتوقع بعد تلقين محل المصمم احمد بدوي فساتينه مره كبيرة .. وسوق الحب في الدمام فيه محلات كثيرة تلقين ايجار وتلقين نفصيل ..

فساتين السهره عندك الجمعه سنتر على كورنيش الخبر هذا كله فساتين سهره طبي وتخيري وكمان على واجهة الخبر في محل لمسات طيبه وفينيسيا مول قدام الراشد مول وبعد في السويكت برضو بعد تلقين عنده فساتين سهره كثير بالدمام عندك مارينا مول ع الكورنيش في محلات سهره

محلات اللانجري مالي خبره فيهم بس عندك محلات أسماء موجوده بالشاطئ مول وبعد بالراشد مول ومحلات نعومي ولاسنزا وومن سيكرت بي اتش اس هذي تقريبا تلقينها بكل المولات

المصممين والمصممات صراحه مالي خبره فيهم وبالتوفيق عزيزتي واي سؤال انا حاضرة باللي اقدر عليه

مشكورين جزاكم الله الف خير خواتي ..

و الله اني احبكم في الله ..

و الله يرزقكم الزوج الصالح و الذرية الصالحة ان شاء الله..