الله يحي الوجيه الطيبه ويحرمها عن النار..تفضلوا العرايس
بس لاتخافون موب عرايس لرجالكم..لا لكم أنتم..
المقادير:
ا كيلو لحم مفروم
اعلبه صغيره زبادي
1ملعقه أكل سماق
1ملعقه أكل دبس رمان
2 بصل مفروم
1 فص ثوم مفروم
3طماطم مقطعه مكعبات صغيره
1 فلفل رومي مقطع مكعبات صغيره
ملح+فلفل أسود+فلفل أبيض+كزبره ناشفه
عصير نص ليمونه
فلفل حار (حسب الرغبه)
خبز لبناني خفيف
الطريقه:
يوضع اللحم في قدر على النار ويترك حتى يستوي وينشف ماؤه
وبعدين حطيه في صحن حتى يبرد (طبعا عشان نبي نستخدم نفس القدر مو كل شوي قدر)
بس عاد اذا عندك شغاله مو مشكله خذي قدر ثاني..
المهم خلي اللحمه تبرد شوي وحطي فوقها الملح والبهارات والزبادي والسماق ودبس الرمان والليمون
والان حطي البصل في القدر مع زيت واحمسيه وحطي فوقه الثوم و الطماطم والفلفل وشوي ملح
واتركيه يتسبك وتنشف المويه
وحطيه فوق اللحم واخلطيهم وبعدين قصي الخبز اللبناني مثلثات
واحشيه بس لاتكثرين الحشوه يعني طبقه خفيفه
وتكونين مسخنه الشوايه الكهربائيه وادهنيها شوي زيت وحطي العرايس وحمريها
الين تشوفين خطوط واضحه على الخبز
وحطيها بحافظه الين وقت التقديم عشان ماتنشف وتبرد
والف صحه وعاااااااااااافيه صدقوني طعمها جدا جدا جدا لذييييييذ
اليوم جربت اعواد القرفه...........لذيذه بالمره