عرايس بنات القصيم..لا هنتوا شوي تعالوا.../قديم

هلا والله ببنت ديرتي



بالنسبه للأقمشه عندك محل "ميدا" بشارع الصناعه بصراحه روعه قليله عليه اقمشته خيااااال لكن غالي شوي

اول شي انا مستغربه من غلاه قالي هذي اقمشة العيسائي واذا عرف السبب بطل العجب :)

فيه محلات ثانيه الرسيني والرشيد جنب الجامع وبالسوق الداخلي

أما فساتين السهره عندك المحلات اللي جنب مكتبة جرير وطريق الطفل

حراير ولمسات والجعيدي اضن هذي اساميها

وهي مقابل مستشفى الولاده

والعثيم مول الدور الثاني مليان

اما بالنسبه لقمصان النوم عندك نعومي ولاسنزا وبلقيس بالعثيم مول والنخيل

وفيه برضو كذا محل بشارع الملك عبدالعزيز من ضمنهن "ليسا" حلو

اما ملابس البيت عندك الحسون سنتر ومبارك ستايل بضاعتهم نفس الهرم

والله يوفقك ويسهل لك امورك

اولا:مبروك حبيبت قلبي الله يتمم عليك فرحك يارب
وبالنسبة لسؤالك الاول محلات اقمشة عندك اقمشة بشارع الصناعه ببريدة اسمها اقمشة سهريزالدبيخي وفية الدخيل كلهم حلوات ام محلات بيع فساتين عندك ببريدة لمسات طيبة قبال مستشفى الولادة وفية العثيم مول حلو فساتينه اما اذا تبين تفصلين فساتين فوالله مالي خبرة بالتفصيل بس اسمع ناس فصلو بمشاغل بريدة والتفصيل حظوظ ومانصحك بالتفصيل اذا اسم الله عليك جسمك يناسبة الجاهز لاتفصلين..نصيحة فقط اذا اخذتيها ولا انتي ورائك ماجبرك ياعمري..ارجوتقبلها من باب النصح لاغير..
اما الحسون سنتر حلو حبيبتي لملابس البيت بس مو كل ملابس البيت تكون منه يعني عندك النخيل بلازا شارع الشاحنات ببريدة فية محل نعومي ولاسنز واختاري كذا شغله منهم بالمعقول يعني نوعي شي يكون من ملابس البت فخم وماركة وشي عادي من الحسون ومبارك ستايل جنب الحسون سنتر بعد حلو ويارب اكون افدتك بشي والعذر والسموحة ان ماعطيتك الي تبين هذا الي قدرت علية ومجربته وشايفته ولا الخوات مايقصرن نشاما كل بنات القصيم بيساعدنك لاتخافين ههه..
ومرة ثانية مبروك والله يوفقك يارب

رفع

وه يالبى قلبكم والله والله يفرج لكم مثل مافرجتوا لي ............
والله يا أختي zoozoo جسمي يبغى له تفصيل يعني رويان شوي بس مو سمينه<<<زين الوصف
الله يجزاكم خير على المساعده وننتظر البقيه........

رفع>>>>>>>ياعمري موضوعي راح لأخر الدنيا...