السلام عليكم و رحمة الله و بركاته .. أختي رتروته .. هلا بيكي معانا يا قمر .. و ياريت تعطينا أفكار حلوة ؟؟ :) لأننا من الموضوع الأولاني و إحنا حايسين و بندور على أفكار للدبش .. و نبغا أفكار تبين الدبش فخم و مرتب و كتير :) يعني من الآخر يطلع شي وجاهة و يبيض الوجه و يرفع الراس و يسكت كل من يبغا يهرج :) تحياتي .. جــــــــداويــــــــــــةالسلام عليكم و رحمة الله و بركاته .. أختي رتروته .. هلا بيكي معانا يا قمر .. و ياريت تعطينا...
السلام عليكم و رحمة الله و بركاته .. أختي الو22د .. هلا يا قمر .. كيف حالك ؟؟ خجلتيني والله ماني عارفة أيش أقول لك :) الله يجبر بخاطرك يا قمر :26: بالنسبة للفساتين .. أنا ماني عارفة أيش طلبك بالزبط ؟؟ و إنتي كيف ذوقك ؟؟ و أيش يعجبك ؟؟ بس أفترضت إنه فستان ملكة أو فرح :) شوفي ياقمر .. أنا ذوقي مرة كلاسيك و بسيط :27: أحب البساطة + الفخامة بالذات في الفساتين :27: فقوليلي أيش تبغي و أنا إن شاء الله أدلك و كمان البنات يدلوكي :) و أرجعي شوفي الموضوع القديم أنا كتبت فيه عن كذا محل حق فساتين أفراح و سهرات .. و في ردودي على ( حبة اللؤلؤ ) دليتها على كم محل من إللي فساتينهم كلاسيك و بسيطة و فخمة لأنه شكله ذوقها زي ذوقي فدليتها على كم محل شوفتهم و عجبتني فساتينهم .. و حتى رديت على ( سلافة ) و باقي البنات و قلت لهم على محلات تانية .. >> معليش أعذريني ماعندي وقت أدور لك عالردود و أحطها لك هنا عشان كمان لا يتعبى الموضوع بكلام مكرر :) و قريبتكم يعني عرفتو منها السعر و ماعرفتو المحل ؟؟ طيب شوفتي المحلات إللي في المساعدية ؟؟ و شوفتي اليمامة و الكندرة ؟؟ هي دي أكبر مجمعين لفساتين العرايس .. و تلاقي فيها الأسعار متفاوتة .. و اليمامة تلاقي فيه فساتين أرخص من المساعدية .. لكن المساعدية فيها بحدود 5000 - 6000 ريال زي ما بتقولي و فيها الغالي .. بس الأغلب هو الوسط و الغالي .. ما تلاقي أشياء رخيصة و أسعارها مناسبة أكتر زي اليمامة !! و سلافة كمان كتبت عن سوق أظنه في الجامعة بس ما أعرف موقعه .. أسأليها عنه :) و غالبا البوتيكات بتلاقي فيها الأسعار أغلى بكتير .. و الله يجعلها سنة خير علينا جميعا إن شاء الله .. و سنة نصرة و رفعة للإسلام و المسلمين إن شاء الله .. تحياتي .. جــــــــداويــــــــــــةالسلام عليكم و رحمة الله و بركاته .. أختي الو22د .. هلا يا قمر .. كيف حالك ؟؟ خجلتيني...
أختي حبة اللؤلؤ ..
كيفك يا قمر ؟؟
و الله كنتي في بالي و بأقول البنت دي فينها
غاطسة !!
و ماشاء الله تبارك الله لا قوة إلا بالله عالفستان ..
أخييييييييرا !!
إن شاء الله يارب يزبط و يطلع حلو و يجنن كمان ..
و يتمم لك و لنا على خير إن شاء الله :icon28:
بالنسبة للتقشير الأخضر أنا سمعت عنه ..
بس على حد علمي ماهو بمستوى الأزرق أبدا !!
أنا سويت التقشير الأزرق في أوباجي ..
صح أتعذبت في بدايته و جلست كم يوم وجهي تركواز :icon19:
بس ماشاء الله تبارك الله لا قوة إلا بالله نتيجته روووعة :icon18:
و ياريت كان عندي وقت دحين كنت روحت سويته تاني !!
أسكتي عالقمصان !!
أكتشفت إكتشاف فتااااك قبل كم يوم !!
أغلب القمصان إللي شاريتها ما تخش فيا !!
لأنه أغلب القمصان أشتريتها من فترة
تقريبا سنة - سنتين !!
كنت أقول خليني أشتري من بدري شوية شوية ..
و سرت أشتري بالنظر و أقول القميص واسع ممكن
يجي قدي حتى لو زدت شوية !!
و أنا مقاسي أتغيرفي دي الفترة شويتين :44:
و أتاريها ماتجي قدي بالمرة !!
و كلها من الغاااااااااالية و الماركات !!
و هادا الشي سبب لي إكتئاب فظيع :44:
و ليا يومين حابسة نفسي في الغرفة و مابدي أخرج !!
و الله عندي إكتئاب و حالتي زفت :06:
و دحين لازم أروح و أسوي حالة إستنفار و أشتري
لي كم قميص على كم بيجاما عشان أتدارك الموقف !!
شوفتي الهنا إللي أنا فيه !!
حتى سويت زي الحجة :23:
قلت لأختي شوفي القمصان و إذا عجبك شي خديه
بس أدفعيلي تمنه :23:
>> عشان أعوض خسارتي و أقدر أشتري شي تاني !!
بالنسبة للقاعات ..
الله يعينكم و يسهل لكم إن شاء الله ..
أنا قلت لك كريستالة أحلى مافيها بلكونتها !!
بس يبغالها تزبيط و ترتيب ..
و لو تبغي رأيي :)
أماسي أحلى و أفخم و أرخص من الميريديان ..
لأنه الميريديان قاعته ماهي مرة كبيرة و غالي ..
يعني أول منيو بحدود 350 - 400 ريال للشخص !!
مرة Too Much ..
يعني لو تبغي دا السعر روحي سوي في ويستن
أو هيلتون أحسن لك !!
أو حتى ليلتي !!
لأننا أستبعدناها مع الميريديان من أول !!
لأنك أساسا قلتي تبغي قاعة في حدود 180 ريال للشخص ..
و أماسي بـ 180 ريال الشخص بس ما يفتحوها لأقل
من 300 شخص ..
و تعالي كملي معانا و حكينا أيش سويتي ؟؟
و أيش بيسير معاكي ؟؟
لا تغطسي زي أول :)
تحياتي ..
جــــــــداويــــــــــــة